Evangelos Odysseas Papathanassiou es fectivament celèbre mai que mai per la musica dels filmes Blade Runner, Chariots of Fire o 1492 : Conquest of Paradise, demest d’autres. Cal saber, totun, qu'èra un compositor d'una prolixitat inimaginabla, fòrça mai generós en creacion musicala que non pas çò que ne li podiá ni mens encara li voliá editar lo mond industrial de la produccion de CD. Sempre, quand voliá innovar, sos editors successius assajava de lo descoratjar de publicar causa inéditas, non costumièras, e mai plan sovent trebolantas. En lòc e plaça causissián de li publicar mai que mai de musica semblant las qu'avián ja commercialament foncionat. Los creators occitans — parli mai que mlai per la poesia — non nos mainam tostemps de la sòrt que tenèm de non pas poder encontrar un cèrte succès de librariá, çò que nos daissa complètament liure dins las nòstras creacions. E l'usatge de l'occitan ajusta encara, me sembla, a queste gra de libertat.

Vangelis, el a benlèu creat cada jorn de qué gravar un o dos CD, cada jorn ! E aquò's benlèu definitivament perdut… Atial es. Me mancarà, coma me manca fòrça Ennio Morricone.