De Montpelhièr estant, dels luòcs de Ràdio Lengad’Òc e amb lo supòrt dels mejans numerics, l’agach occitan del 3n torn de las eleccions aurà per partenaris Ràdio País, Ràdio Occitània e encara la revista Aquò d’Aquí e mai Jornalet, gaseta occitana d’informacions.
 
A la convidacion dels del Clapàs, una chorma de las bonas serà amb Camille Martel. Son estadas confirmadas las participacions de Fanny Lartigot e Silvan Carrère a Pau, Clamenç Pech a Tolosa, Michel Neumuller a Ais de Provença e Ferriòl Macip Bonet a Barcelona.
 
Seràn 5 emissions de mièja orada ont s’abòrda las generalitats politicas e de segur los subjèctes de lenga, environament e mond del trabalh per l’encontrada occitana. Los primièrs 4 episòdis a partir del dimècres 25 de mai e lo tot darrièr lo diluns 20 de junh, en seguida del segond torn.
 
En dirècte sus Ràdio Lengad’Òc, en podcast sul sits de las ràdios partenàrias e de legir dins la premsa escricha.
 
 
 
 
Gisèla Naconaski
 
  
 

fffff		fffff
	Ràdio Lenga d’òc se pòt escotar en linha sus radiolengadoc.com e se pòt sintonizar:   — 95.4 FM Montpelhièr, Seta, Alèst, Lodeva — 106.1 Milhau — 91.0 Mende — 88.5 Sant Africa