Actualitats
Masèl dins una escòla de Tèxas: Biden vòl entreprene d’accions contra lo lobby de las armas
Una fusilhada daissèt dimars 21 mòrts, dont 19 enfants. Joe Biden se demanda perqué los chaples d’aquela mena se passan mai que mai als Estats Units
Tèxte legit
Lo president dels Estats Units, Joe Biden, vòl entreprene d’accions contra lo lobby de las armas, après lo chaple que lo patiguèt dimars una escòla de Tèxas amb un terrible bilanç de 21 mòrts dont 19 enfants. “Es ora de cambiar la dolor en accion”, çò diguèt Biden. “Perqué las fusilhadas de massa d’aquesta sòrta se passan mai que mai als Estats Units?”, çò se demandava lo president en manifestar sa volontat de blocar las leis sus las armas de fuòc.
Las autoritats de Tèxas an identificat lo tuaire coma Salvador Ramos, un jove de 18 ans resident a Uvalde. Après tombar sa veitura dins un valat, lo jove, armat d’una carabina, fusilhèt sa grandmaire, qu’es en estat critic, e puèi se dirigiguèt devèrs l’escòla ont tuèt 19 enfants e una professora. Aquí foguèt abatut per la polícia.
De remembrar que Tèxas, un estat eminentament republican e conservator, a una de las regulacions mai leugièras en çò que tanh a la possession d’armas. Dins aquel sens, arunan lo governador signèt una lei que facilitava l’accès a las armas sens cap de mena de permés.
Las autoritats de Tèxas an identificat lo tuaire coma Salvador Ramos, un jove de 18 ans resident a Uvalde. Après tombar sa veitura dins un valat, lo jove, armat d’una carabina, fusilhèt sa grandmaire, qu’es en estat critic, e puèi se dirigiguèt devèrs l’escòla ont tuèt 19 enfants e una professora. Aquí foguèt abatut per la polícia.
De remembrar que Tèxas, un estat eminentament republican e conservator, a una de las regulacions mai leugièras en çò que tanh a la possession d’armas. Dins aquel sens, arunan lo governador signèt una lei que facilitava l’accès a las armas sens cap de mena de permés.
For every parent, for every citizen, we have to make it clear to every elected official: It’s time for action.
— President Biden (@POTUS) May 25, 2022
We can do more. We must do more. pic.twitter.com/VDe0Wc7YT8
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Biden a probablament rason de tornar discutir de las leis subre la possession d'armas dins los estats dels "cowboys". Mas d'un punt de vista psicologic, seriá estat plan interessent d'avalorar en prigondor lo ligam entre la violéncia exprimida per aqueste possessor d'armas de fòc (de fòc o non) e la violéncia sociala d'una societat vertiginosament inegalitària e non-solidària. Mas aquò es un autre aspècte del problèma que poiriá totun ajudar a respondre a la question "perqué als EUA e non pas encadòm mai ?", benlèu… Me sembla que dins l'encegament manifèsta d'aqueste tuaire, i a quicòm de prigondament desesperat, e de prigondament copat de tot sens social e societal, d'òrdre, psico-social… La postura de Biden non abòrda que la susfàcia del problèma, l'aspècte material de la violéncia. En supausar que pervenga a enebir las armas de fòc (çò que seriá fòrt plan !), non empacharèra jamai un meteis malaut psico-social de procedir a un masèl mercés a un cotèl de cosina, per exemple. Vòl agir sul mejan d'accion, las armas, sense agir sus la causa que buta a la violéncia, e donc, non reglarà pas lo problèma a sa rasiga.
Lo rei es totjorn brave tipe. Vai far una bona accion alaidonc que sa politica mena a de las fusilhadas que son organisadas per dau monde que li obeissan tot en acusant lo partit d'opausicion. e los imigrats.
Los USA an pas enguera trobat oficialament qui a tuat Kennedy o qui a comanditat l'esbolhamant de las doas torns de New-york alentorn de l'an 2000.
L'educacion qu'ai reçaugut dins mas vielhas annadas m'a assenbentat que chalia s'ocupar de se en prumier, perque, coneissam tot de nòstra vita alaidonc que de l'autre l'òm coneis ren.
Aitau jornalet se garda ben d'engagear un desbat sur las eleccions legislativas que seran probablament las darrieras de França. Deja i a pus de dinamica parlementaria. Tots los deputats subissan mas degun dich ren. Los deputats dau partit de Macron an signat un pacte emben Macron que devam pas votar en lòr amna e consciença mas votar sistematicament per la macronie. A d'aquò ajotam los medias que tamborinan per las mesmas idéeas que fan lo bonur de lo macronisme. Mas calas-vos. Porian vos acusar de complotisme.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari