Actualitats
L’Ossetia del Sud convòca un referendum sus son unificacion amb Russia lo 17 de junh
Lo Kremlin evita de sosténer clarament lo vòte
Tèxte legit
Lo president en foncions de l’Ossetia del Sud, Anatoli Bibilov, a signat lo decret de convocacion d’un referendum sus l’unificacion d’aquela republica caucasiana amb la Federacion de Russia. O a anonciat lo sit web oficial de la presidéncia sud-ossèta.
L’anóncia justifica la decision pel “desir istoric del pòble de la Republica d’Ossetia del Sud de se reünificar amb Russia”. La question de la votacion serà: “Sostenètz l'unificacion de la Republica d’Ossetia del Sud e Russia?”.
Mas lo nòu president sud-ossèt, Alan Gagloiev, que remplaça Bibilov dempuèi lo 24 de mai, vei pas tan clar que lo referendum se tenga. E mai se siá mostrat favorable a l'union amb Russia, Gagloiev considèra que lo mecanisme e lo calendièr se devon coordenar amb Moscòu, perque l’Ossetia del Sud pòt pas agir tota sola en aquela question.
Mentretant, lo Kremlin ditz que lo referendum del 17 de junh pertòca sonque l’Ossetia del Sud e que, en tot cas, lo govèrn rus farà atencion abans de prene qualque decision.
L’Ossetia del Sud se proclamèt independenta de Georgia en 1991. Russia reconeguèt aquela independéncia en 2008. La màger part del pòble ossèta residís en Ossetia del Nòrd, una republica de la Federacion de Russia.
Lo govèrn de Georgia considèra illegals lo referendum e l’existéncia meteissa de la quita republica sud-ossèta.
Aquesta nòva es adaptada de Nationalia amb qui Jornalet ten un acòrdi de cooperacion
L’anóncia justifica la decision pel “desir istoric del pòble de la Republica d’Ossetia del Sud de se reünificar amb Russia”. La question de la votacion serà: “Sostenètz l'unificacion de la Republica d’Ossetia del Sud e Russia?”.
Mas lo nòu president sud-ossèt, Alan Gagloiev, que remplaça Bibilov dempuèi lo 24 de mai, vei pas tan clar que lo referendum se tenga. E mai se siá mostrat favorable a l'union amb Russia, Gagloiev considèra que lo mecanisme e lo calendièr se devon coordenar amb Moscòu, perque l’Ossetia del Sud pòt pas agir tota sola en aquela question.
Mentretant, lo Kremlin ditz que lo referendum del 17 de junh pertòca sonque l’Ossetia del Sud e que, en tot cas, lo govèrn rus farà atencion abans de prene qualque decision.
L’Ossetia del Sud se proclamèt independenta de Georgia en 1991. Russia reconeguèt aquela independéncia en 2008. La màger part del pòble ossèta residís en Ossetia del Nòrd, una republica de la Federacion de Russia.
Lo govèrn de Georgia considèra illegals lo referendum e l’existéncia meteissa de la quita republica sud-ossèta.
Aquesta nòva es adaptada de Nationalia amb qui Jornalet ten un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Primièr, agantar lo territòri exterior al nòstre. Segond, rebutar puèi incitar fèrmament al partir los locals que non nos sèm favorables. Tresen, obrir un referendum per la "reunificacion" al territòri istoricament nòstre. Plan organizat, non ! Imaginatz un referendum d'independéncia dins una Catalonha voidada de sa populacion catalanofòna… Los unionistas espanholistas aurián lèu lèu e democraticament ganhat !!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari