Actualitats
Canas 2022: lo suedés Ruben Östlund a daverat la Palma d’Aur
Es lo segond còp qu’Östlund empòrta lo guierdon màger del prestigiós festenal de cinèma de Vencenc, aqueste còp amb lo filme Triangle of Sadness
Tèxte legit
Lo filme Triangle of Sadness del realizaire suedés Ruben Östlund a ganhat la Palma d’Aur de la 75a edicion del Festenal de Cinèma de Canas (Vencenc). Es lo segond còp qu’Östlund ganha la Palma d’Aur que la ganhèt tanplan en 2007 amb The Square.
Triangle of Sadness se poirà veire suls ecrans dels cinèmas de l’estat francés amb lo títol Sans Filtre. Per ara, sembla que las versions en italian, espanhòl e catalan (se n’i a) cambiaràn pas lo títol original.
Lo prèmi de la melhora actritz l’a daverat l'iraniana Zahra Amir Ebrahimi, per son ròtle dins lo filme Holy Spider, del realizaire Ali Abbasi. Lo guierdon del melhor actor l’a ganhat lo corean Song-Kang-O per son ròtle dins lo filme Beurokeo del realizaire japonés Hirokazu Kore’eda.
Lo prèmi de la jurada l’an emportat, ex aequo, dos filmes; Eo de Jerzy Skolimowski, e Le Otto Montagne, de Charlotte Vandermeersch e Felix Van Groeningen. Lo prèmi del melhor realizaire es anat a Park Chan-wook, per Heojil Kyolshim, del temps que lo Grand Prèmi es estat, tanben ex aequo, pels filmes Close, del flamenc Lukas Dhont, e Stars at noon, de la francesa Claire Denis.
Après la pausa pandemica, la vila provençala de Canas èra venguda tornarmai la capitala mondiala del cinèma. Del 17 al 28 de mai, la passejada de la Croseta vegèt desfilar los personatges mai importants del mond del cinèma. La Palma d’Aur es un dels guierdons cinematografics mai presats del Mond.
Podètz consultar sus aqueste ligam tot lo palmarés de l’edicion d’ongan del festenal de Canas.
Triangle of Sadness se poirà veire suls ecrans dels cinèmas de l’estat francés amb lo títol Sans Filtre. Per ara, sembla que las versions en italian, espanhòl e catalan (se n’i a) cambiaràn pas lo títol original.
Lo prèmi de la melhora actritz l’a daverat l'iraniana Zahra Amir Ebrahimi, per son ròtle dins lo filme Holy Spider, del realizaire Ali Abbasi. Lo guierdon del melhor actor l’a ganhat lo corean Song-Kang-O per son ròtle dins lo filme Beurokeo del realizaire japonés Hirokazu Kore’eda.
Lo prèmi de la jurada l’an emportat, ex aequo, dos filmes; Eo de Jerzy Skolimowski, e Le Otto Montagne, de Charlotte Vandermeersch e Felix Van Groeningen. Lo prèmi del melhor realizaire es anat a Park Chan-wook, per Heojil Kyolshim, del temps que lo Grand Prèmi es estat, tanben ex aequo, pels filmes Close, del flamenc Lukas Dhont, e Stars at noon, de la francesa Claire Denis.
Après la pausa pandemica, la vila provençala de Canas èra venguda tornarmai la capitala mondiala del cinèma. Del 17 al 28 de mai, la passejada de la Croseta vegèt desfilar los personatges mai importants del mond del cinèma. La Palma d’Aur es un dels guierdons cinematografics mai presats del Mond.
Podètz consultar sus aqueste ligam tot lo palmarés de l’edicion d’ongan del festenal de Canas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari