Actualitats
La Caravana per la Dignitat del pòble wixarica es arribada dins la ciutat de Mexic
Après una caminada de 32 jorns, revendican la restitucion de mai d’11 000 ectaras de tèrras ocupadas per de minaires e d’elevaires
Tèxte legit
“Sèm aicí per recuperar nòstras tèrras, sèm partits fa un mes per que l’estat mexican escote aquesta crida”, çò dison los pòrtavoses de la comunautat wixarica. “Sèm aicí per defendre nòstre territòri, pr’amor qu’es aquí que persistisson nòstra identitat, nòstra lenga, nòstras nòrmas intèrnas e nòstre patrimòni”, çò precisan en denonciant una “violència sistemica” que daissa “ los pòbles indigènas sens vòtz”.
Lo pòble wixarica, conegut coma “huichol” en espanhòl, es un dels que presèrva mai lo biais de viure ancestral. Lo conflicte territorial comencèt amb la concession del govèrn mexican a una societat minièra canadiana per esplechar l’argent que se tròba dins las montanhas que los wixarika considèran sagradas. Per eles, aqueles endreches ocupats son la basa de lor vision del Mond.
Lo combat del pòble wixarica es arribat al cinèma amb dos documentaris; en 2014 Kabopro Films prepausèt Eco de la montaña (Resson de la montanha) e en 2015, Nicolás Echevarría presentèt Huicholes: los últimos guardianes del peyote (Wixaricas, los darrièrs gardians del peyotl). Aqueles filmes explican las vicissituds d’aquel pòble fàcia a l’ocupacion de lors tèrras e lo desinterès qu’an mostrat los govèrns mexicans successius.
Comisionado de bienes comunales del pueblo Wixárica toca la puerta de Palacio Nacional, #CaravanaWixárika siente «frustración» por no obtener respuesta; exige ser atendida a más tardar el lunes próximo. #DignidadWixárikapic.twitter.com/0SkWQ3P4t1
— (@abismada_) May 27, 2022
#caravanawixarika por la lucha de sus tierras robadas pic.twitter.com/inXJvA93J1
— Ivonne Rodríguez (@ivergzg) May 28, 2022
El logro es fruto del dolor, cansancio, grietas y erupciones en los pies wixárikas.
— Sandra Suaste (@sandra_suas) May 30, 2022
El recibimiento del presidente @lopezobrador_ a la caravana no es bondad. Es su obligación constitucional.
#DignidadWixárika
¡Por la pronta restitución de sus tierras! pic.twitter.com/nMgEBbyQBT
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Algú s'ha de moure enmig de tanta massacre i destrucció, els Wixarika almenys ho fan, no ho podrem fer la resta, entre tant polític inútil el Poble és qui ha d'agafar les regnes.
Ho farem!?
Visca la Terra...Lliure1
L'Ernest, "El Tàrrega".
Paure Mexic, tan luènh de Dieu e tan prèp dels Estats Units !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari