Almens 100 personas mòrtas e una quarantena de nafradas es lo tragic bilanç dels afrontaments entre minaires que se son tenguts en Chad, dins la region minièra de Kouri Bougoudi, dins l’extrèma nòrd del país, près de la frontièra amb Libia. La violéncia esclatèt lo 23 de mai, après una “disputa banala entre doas personas que degenerèt”, çò rapòrta lo ministre de la defensa, Daoud Yaya Brahim qu’a tanben mençonat la participacion de “terroristas” de Libia e la detencion d’una vintena de personas.
 
De lor caire, las autoritats localas de la província de Tibèsti an exprimit lor dolor per mejan d’un comunicat e an condemnat fermament aqueles actes que qualifican de mespresables. An tanplan exigit lo barrament immediat de las minas d’aur.
 
La region, en plen desèrt del Sahara, a un accès complicat. Lo massís de Tibèsti es clafit de minas esplechadas, mai que mai clandestinament per de cercaires d’aur de  Chad, Libia, Nigèr e Sodan.
 
 

On Monday, Defence Minister General Daoud Yaya Brahim reported that over 100 people had died in clashes between gold miners in northern #Chad, in addition to 40 wounded. The clashes erupted following a spat between two miners. pic.twitter.com/Ajdog1Kk99

— Al Mayadeen English (@MayadeenEnglish) May 30, 2022

 

Chad Defence Minister Daoud Yaya Brahim stated that deadly clashes between gold miners on May 23 and 24 at a site in the mountainous Kouri Bougoudi district have left around 100 dead, while a local rebel group claimed at least 200 had been killed pic.twitter.com/rYBFp3crVA

— TRT World (@trtworld) May 30, 2022