Lo primièr ministre de Canadà, Justin Trudeau, signèt divendres un acòrdi istoric de reclamacion de tèrras amb la nacion indigèna siksika e li pagarà 1,209 miliard d’èuros coma compensacion. Se tracta d’un dels acòrdis mai importants d’aquela sòrta jamai atenches en Canadà e “contribuirà a corregir una error del passat”, çò diguèt lo cap del govèrn canadenc.
 
De son caire, pel cap siksika, Ouray Crowfoot, “l’acòrdi compensarà pas las errors del passat” mas “si que marcarà una diferéncia dins la vida de las gents e lor balharà d’escasenças qu’abans avián pas”. Dins aquel sens precisèt que “Canadà deuriá quitar d’emplegar lo mot reconciliacion. Se reconciliarà pas jamai perque jamai res se farà pas completament”.
 
“Nos sèm amassats per nos donar l’ocasion de començar de tornar bastir la fisança entre nosautres, de nacion a nacion”, çò declarèt Trudeau après la reünion.
 
L’acòrdi se signèt per reparar de faches que se passèron fa mai d’un sègle, quand Canadà rompèt lo Tractat dels Pès Negres e s’aproprièt de gaireben la mitat de las tèrras de la resèrva de la nacion siksika, compresas qualques unas de lors tèrras agricòlas, per las vendre a de personas installadas dins la zòna.

 

The Right Honourable Justin Trudeau, along with Marc Miller, minister of Crown-Indigenous relations, today at a Siksika Nation signing ceremony for the 1910 Global Settlement Agreement, including various land claim settlements and a $1.3 billion payment.https://t.co/waCBIZfNZB

— RiverRising (@The12fthOfNever) June 2, 2022