CAPÇALERA PAIS INVISIBLE

Actualitats

EnvironamentSocietat
crotz-tolosaCreated with Sketch.Gasconha

D’auratges violents fan de damatges en tota Occitània

Dins las Lanas e en Armanhac la pèira freja a damatjat entre 4000 e 5000 ectaras de vinhas e d’autras culturas

| @Meteo_Pyrenees

Tèxte legit

Dissabte passat, d’auratges violents bassaquèron especialament l’oèst del país. De soslinhar la pèira freja tombada en Gasconha, mai que mai dins las Lanas e en Armanhac, qu’auriá damatjat entre 4000 e 5000 ectaras de vinhas e d’autras culturas. A la Bastida d’Armanhac (Bas Armanhac) lo cònsol màger, Alain Gaube, estima que s’es perdut entre lo 70% e lo 90% de las vinhas, çò rapòrta Libération. Fòrça ostals son estats privats d’electricitat. La primièra ministra, Élisabeth Borne, a anonciada la mobilizacion del govèrn francés. Al total, dins l’oèst de l’estat francés, i aguèt segon lo Ministèri de l’Interior, quinze nafrats dont dos grèus, e una femna moriguèt a Rouen, en Normandia.
 
Mentretant, Méteo France s’inquieta d’un estiu fòrça caud, sec e arid.
 
 
 
 


abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Franc Bardòu
2.

Fòrça ostals son estats privats d’electricitat. La primièra ministra, Élisabeth Borne, a anonciada la mobilizacion del govèrn francés ? Mobilizacion per qué ? Per pagar a minima las consequéncias immediatas del grand fotral mondial neoliberal que n'es l'agent activa e la plaidejaira valenta e plan verbosa ? Se mobilizar per la Natura e contra son descadenament ligat al recalfament necessita de se posicionar obèrtament e indubitablament contra la creissença e lo tot-tecnologic neoliberal. Aquelas gents se trufan del mond, del mond natural, e mai que mai de nosautres.

  • 3
  • 0
Pitaluga
1.

E los mèdias gròsses de se contentar de l'anecdotic : de mond amagat jos de cadièras, la femna qu'escapa de la casuda del ponde, las veituras dins l'aiga (image mila còp repetit), e barjaca que barjacaràs, Ai mon Dieu, quinas causas, es pas Dieu possible, ont anirem... E pas un pet de pedagogia, eles que n'an la gola plena quand se tracha de politica politicaira !
Nòstre mitan ambient se'n va al desastre, e sabèm lo perqué los que nos volèm ben informar ; mas e los autres, los que contunhan de gastar, amontonar de degalhs, polluïr, empoisonar l'aire ? Lor caldriá remembrar que çò que nos tomba dessús es l'òme qu'o provòca. Lo tèma de l'antropocène deuriá èsser una matèria a l'escòla e lo tèma de campanhas, coma se far pel cancre, lo sida o l'obesitat, dins los mèdias. Mas se'n gardan plan.

  • 10
  • 0

Escriu un comentari sus aqueste article