capçalera campanha

Actualitats

PoliticaSocietat

Malescasuda de Manuel Valls a las legislativas

L’èx-primièr ministre a reconegut sa desfacha sus Twitter e puèi a clavat son compte

L’èx-primièr ministre francés e èx-conselhièr municipal de Barcelona, Manuel Valls, a pas capitat sa temptativa de tornar a la politica francesa coma deputat. E mai aja obtengut lo sosten d’Emmanuel Macron dins la candidatura de la circonscripcion dels franceses residents en Andòrra, dins l’estat espanhòl, en Portugal e a Mónegue, passarà pas al segond torn.
 
L’ecologista Renaud Le Berre, professor al licèu francés de Barcelona e candidat de la Nòva Union Populara Ecologista e Sociala, coalicion de partits d’esquèrra, es estat lo mai votat, amb lo 27,24% dels vòtes, e Stéphane Vojetta, l’actual deputat per aquela circonscripcion, es estat lo segond mai votat, amb lo 25,39%. Valls, amb lo 15,85% dels sufragis exprimits, es estat lo mai votat en Portugal e a Mónegue, mas es dins l’estat espanhòl qu’a amplament perdut.
 
Vojetta decidiguèt de manténer sa candidatura e mai lo partit de Macron li virèsse l’esquina per sosténer Valls. De fach, Le Berre avertiguèt fa qualques setmanas que Valls “seriá eliminat al primièr torn de las legislativas”.
 
Dins una tièra de tweets, Valls a reconegut sa desfacha electorala e que la “candidatura a pas convencut”. Pus tard, a clavat son compte de Twitter.
 
 
 
 
 
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Esclòps Pernats esclòps abenats
11.

#10

Cap de besonh, sufís d'agarar dins los diccionaris !

  • 0
  • 0
Alan Montanha
10.

#9
Esperem que congrelharem aviadament d'un morfolibre e d'un lexicolibre per trelegir e trecomprénguer aquela parlicadura que tant tresagrada. Seriá de dòler fàzer que ne posquessiam pas profechar saborosament coma degudament.

  • 5
  • 3
Pau Atreides Arraquins
9.

#5 Un occitan personal e barròc que a ieu me tresagrada, emai s'es pas totjorn simlpàs de trelegir al trefus de ma sapienssa estremadugala, quin bren!

  • 4
  • 7
Les sales Majestés
8.

#7 Una republica monolitica que nos voldriá far marchar en reng e al pas ? PLan vist, Pitagula.

"La France en Marche, c'est marche ou crève…"

https://www.youtube.com/results?search_query=sales+majest%C3%A9s+macron

  • 3
  • 0
Pitaluga
7.

Pensavi dire pas res sus un arlèri parièr mas vesi que servís per revelar la cavèrna jacobina e laicarda que li trapa de qualitats. La Catherine Fourest ven de li rendre un omenatge sens nuanças ("un òme fidèl a sas idèas", per explicar sos cambiaments de vèstas). Coma d'autres que se vesián venir mas qu'a aquesta escasença confirman que son d'una intolerància primària dins lor vision d'una republica monolitica que nos voldriá far marchar en reng e al pas.
Vos expliqui l'argumentacion : un politicastre que manja a totes los rastèls, es pas el qu'es cambiadís, son los diferents partits qu'o son.
Es vertat que los partits pòdon cambiar, mas refusar de veire l'inconsequéncia d'aqueste palhassa, que càmbia mai lèu qu'eles, es nèci que jamai.

  • 2
  • 0

Escriu un comentari sus aqueste article