CAPÇALERA PAIS INVISIBLE

Actualitats

Internacional

Nigèria: almens 50 mòrts dins l’ataca d’una glèisa catolica

Ara per ara, cap de grop terrorista a pas revendicat l’atemptat. Lo president nigerian, Muhammadu Buhari, l’a condemnat

| Reuters

Tèxte legit

Almens 50 personas mòrtas es lo tragic bilanç d’una ataca terrorista d’una glèisa catolica a Owo, dins l’estat d’Ondi, dins lo sud de Nigèria. Segon qualques testimònis, cinc individus intrèron dins lo santuari e fusilhèron lo mond en plena messa. Puèi faguèron espetar qualques explosiu e raubèron mai d’un parroquian. En sortir, tirèron tanben sul mond que se passejavan per carrièras. Un nombre indeterminat de personas nafradas foguèron portats al Centre Medical Federal.
 
Lo president nigerian, Muhammadu Buhari, a condemnat l'ataca e a exprimit sa simpatia a las familhas dels mòrts, a la glèisa catolica e al govèrn de l’estat d’Ondo. De son latz, lo governador de l’estat, Rotimi Akeredolu, a qualificat l'atemptat d’aule, satanic e premeditat, e a assegurat que los responsables serián detenguts e jutjats, en demandant a la populacion de se far pas justícia ela meteissa.
 
Quand a la diocèsi d’Ondo, a desirat que la populacion mantenguèsse la calma, e a assegurat que totes los prèires del santuari èran sans e salves e que cap d’eles èra pas estat raubat.
 
Ara per ara, cap de grop terrorista a pas revendicat l’ataca. Segon un deputat local, l’aurián comés de pastres de l’etnia fulani en represalha de las politicas restrictivas contra los elevaires.
 
S’agís del primièr atemptat contra una glèisa catolica dins lo sud de Nigèria, ont la populacion es majoritàriament crestiana.
 
 

 abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Esclòps Pernats esclòps abenats
4.

E per nosaus Occitan , se cal rementar que :


Son pas los òmes que fan los pòbles, son las maires !




Maire nòstra, Santisma Rompelomina de la bona fé

Jos ton agach a l’acés, te mercejam de tos bens

Qu’aquel prec puja entrò tu Santisma Rompelomina.

Que lo cade de las sets brancas brandessa dins un lampèc

Que l’òlga nos enròda e nos apara dels aulets arapits.

Ô Santisma maire dels esperits de la natura e de tot çò viu

Cap d’alachament pels nòstres lauzesmes Santisma Divessa.

De la grineza apara nos, balha nos gaug e benestar de longa

Rezença nos de la laizana, que reclujessa lo mond de l’esperit.

Apara nos Bona Dòmna, apara nos tanhents, apara los còrs blos.

Ô Manha Santisma Divessa de la bona fé

Que nos avengue lo bon e lo ben a refofum

Capten nos de las malparadas e dels esmarages,

Trai nos d’aiceste mond mondanal engusaire,

Lo nòstre còr menat de fisença te conlaudèm

De ton regisme alugòrat, ten nos pòrtas alandadas.

Aatal nòstra requerença.

  • 5
  • 0
Esclòps Pernats esclòps abenats
3.

https://www.youtube.com/watch?v=kKiSCZuln9s

Canım Tanrı'da : Mon arma es dins diu.

Cant crestian de Turquia , es jostitolat.

https://www.youtube.com/watch?v=F4vgl4ZVvc8

Inta elaahi Siás mon diu arapça.


Jostitolat en turc una autra

https://www.youtube.com/watch?v=r5Hfe9TtS7U

  • 1
  • 0
Esclòps Pernats esclòps abenats
2.

Secotits pel long de lor istòria los cretians d’orient an subreviscut çaquelà. Lor avaliment progressiu prenguèc d’aviadèssa aquelas darnièras annadas.

https://www.lemonde.fr/le-monde-des-religions/article/2021/03/06/jean-francois-colosimo-la-disparition-des-chretiens-d-orient-est-une-catastrophe-de-civilisation_6072167_6038514.html

https://www.lorientlejour.com/article/1053898/les-principaux-attentats-contre-les-chretiens-dorient.html


https://www.lorientlejour.com/article/1045909/les-chretiens-dorient-de-linquietude-a-lexil.html

  • 3
  • 0
carles països valencians
1.

Un eveniment dolorós qu'a pas justificacion cap, los crestians contunhan d'èsser perseguits 2000 ans après que Jèsus anoncièt lo reialme de frairesa e amor. Sens dobte que l'amor triumfará sus la terror e la violéncia. dins fòrça païses africanes e asiatics es pas facil èsser crestian.

  • 5
  • 0

Escriu un comentari sus aqueste article