Actualitats
L’armada de Russia comença de manòbras sus la mar Baltica mentre que s’i fa d’exercicis de l’OTAN
Delà la vintena de naviris, fan de manòbras amb d’avions Iliushin Il-38, e tanben d’exercicis amb fuòc d’artilhariá contra d’objectius aerians e navals
Tèxte legit
L’armada de Russia a començat de manòbras militaras sus la mar Baltica ont i participan mai de vint naviris. Se fan del meteis temps que los exercicis militars que l’OTAN efectua dins aquela region, dins l’encastre de las tensions causadas per l’invasion russa d’Ucraïna.
Delà la vintena de naviris, las manòbras russas fan d’exercicis amb d’avions de patrolha maritima e de guèrra antisosmarina Iliushin Il-38, e tanben utilizan de fuòc d’artilhariá contra d’objectius aerians e navals. D’autre caire, an tanplan anonciat lo desvolopament d’exercicis sus la proteccion contra d’atacs quimics e biologics.
Las manòbras russas se tenon al meteis moment que las manòbras Baltops 2022 de l’OTAN, que comprenon lo desplegament de quaranta cinc naviris guidats pels Estats Units. Aquelas manòbras contunharàn fins a mièg junh.
En mai passat, l’armada russa tanben faguèt d’exercicis davant l’enclavament de Kaliningrad.
Delà la vintena de naviris, las manòbras russas fan d’exercicis amb d’avions de patrolha maritima e de guèrra antisosmarina Iliushin Il-38, e tanben utilizan de fuòc d’artilhariá contra d’objectius aerians e navals. D’autre caire, an tanplan anonciat lo desvolopament d’exercicis sus la proteccion contra d’atacs quimics e biologics.
Las manòbras russas se tenon al meteis moment que las manòbras Baltops 2022 de l’OTAN, que comprenon lo desplegament de quaranta cinc naviris guidats pels Estats Units. Aquelas manòbras contunharàn fins a mièg junh.
En mai passat, l’armada russa tanben faguèt d’exercicis davant l’enclavament de Kaliningrad.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari