Una èrsa de calor es arribada en tota Occitània. Es ja la segonda d’aquesta prima. Deman e dimècres, la calor serà encara mai fòrta e a partir de dijòus 16, es previst que las temperaturas despassen los 35^oC amb de pics d’aperaquí los 40^oC en Gasconha, sus la còsta orientala de Provença e al País Niçard.
 
 
De conselhs per suportar la calorassa
 
Per suportar ben las nautas temperaturas, los expèrts recomandan de portar de textils naturals, de beure almens un litre e mièg d’aiga per jorn, d’optar per una alimentacion leugièra, de sopar pauc, d’evitar l’alcòl e de cercar l’aire fresc. Tanben es important de protegir l’ostal de la calor en barrant los contravents e las fenèstras al pus caud de la jornada e de far de corrents d’aire a las autras oras. Per refrescar lo còrs se recomanda d’emplegar de ventiladors o la climatizacion e de s’umidificar la pèl abans de dormir. Es recomandable de prene una docha fresca abans de prene lièch. En mai de tot aquò, s’aconselha de defugir las oras centralas de la jornada per far d’activitats, e de portar una casqueta s’òm es defòra.
 
Una astúcia interessanta es de consagrar qualques oras per jorn a vesitar una bibliotèca, un centre comercial o qualque luòc climatizat.
 
Cal especialament sonhar los enfants e las personas d’edat avançada. Se demanda de vesitar las que demòran solas per s’assegurar que s’idratan pro. E cal velhar que los animals de companhiá ajan totjorn d’aiga.

 
 
 

 

Il est désormais extrêmement probable que la France subisse une vague de chaleur à partir du milieu de semaine prochaine. Des températures de plus de 40°C sont attendues.

En débutant le 15 ou 16 juin, ce serait la plus précoce jamais observée. pic.twitter.com/6jPSNkas6o

— Bon Pote (@BonPote) June 12, 2022

 

Une vague de chaleur se met en place à partir de mercredi jusqu'au week-end. Elle commencera par concerner le sud du pays. Son extension plus au nord est encore incertaine. Le pic d'intensité de cet épisode est attendu entre jeudi et samedi

T°C maxi prévues mercredi pic.twitter.com/kFaXxLEGDY

— Météo-France (@meteofrance) June 12, 2022

 

Domingo muy caluroso, con cielos desordenados por la formación de cúmulos y algo de polvo en suspensión. Posibles tormentas de tarde que localmente podrían ser intensas, acompañadas de granizo y rachas fuertes de viento. pic.twitter.com/JoNjtJDnlX

— Meteo Aran (@MeteoAran) June 12, 2022