Actualitats
Suspension de la corrida dins la ciutat de Mexic
Un jutge federal a ordenat la suspension illimitada dels eveniments bovins dins l’arena pus granda del Mond
Tèxte legit
Un jutge federal de Mexic a ordenat la suspension indefinida de la corsa de braus dins l’arena de la ciutat de Mexic, la pus granda del Mond.
L’arena de Mexic èra barrada dempuèi lo 28 de mai pr’amor qu’un jutge aviá acceptat lo recors de l’associacion Justícia Justa, que qualificava la corrida de “degradanta”. L’organizacion civila promoguèt son recors en justícia lo 13 de mai e ne soslinhèt coma autoritat responsabla lo govèrn d’Andrés Manuel López Obrador.
“Illegalizar tota sòrta de maltractament”
Tanben, Justícia Justa considèra que, segon la resolucion de la Cort Suprèma de Justícia, los animals son protegits pel drech a un entorn san, e que, doncas, cal illegalizar tota sòrta de maltractament e patiment causat per l’èsser uman a un animal.
Se prevei un long procès judiciari
La societat Tauro Plaza México, que gerís l’arena de la ciutat de Mexic, e lo conselh municipal pòdon contestar la decision del jutge federal davant un tribunal. Lo procès judiciari se poiriá perlongar de qualques meses, e mentretant l’activitat es paralisada. De son caire, Tauro Plaza México anóncia dins un comunicat que menarà a bon tèrme los eveniments non bovins previstes.
L’arena de Mexic èra barrada dempuèi lo 28 de mai pr’amor qu’un jutge aviá acceptat lo recors de l’associacion Justícia Justa, que qualificava la corrida de “degradanta”. L’organizacion civila promoguèt son recors en justícia lo 13 de mai e ne soslinhèt coma autoritat responsabla lo govèrn d’Andrés Manuel López Obrador.
“Illegalizar tota sòrta de maltractament”
Tanben, Justícia Justa considèra que, segon la resolucion de la Cort Suprèma de Justícia, los animals son protegits pel drech a un entorn san, e que, doncas, cal illegalizar tota sòrta de maltractament e patiment causat per l’èsser uman a un animal.
Se prevei un long procès judiciari
La societat Tauro Plaza México, que gerís l’arena de la ciutat de Mexic, e lo conselh municipal pòdon contestar la decision del jutge federal davant un tribunal. Lo procès judiciari se poiriá perlongar de qualques meses, e mentretant l’activitat es paralisada. De son caire, Tauro Plaza México anóncia dins un comunicat que menarà a bon tèrme los eveniments non bovins previstes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Malgrat totes los problèmas qu'i pòt aver a Mexic, de còps que i a mòstra lo camin a l'Espanha retrograda. Es una bona novèla.
En Espanha, la corrida es a la baissa, mas los nacionalistas de l'Espanha "de pandereta", coma disiá Antonio Machado, s'arrapan a çò que considèran coma de signes culturals. Ensajan de blindar la corrida que per eles es un biais de blindar Espanha. Cal pas oblidar qu'un autre biais per dire "corrida de toros" es "fiesta nacional".
Empacha pas mens que dempuèi qualques annadas, a l'entorn de las arenas de Las Ventas, ont, per la feria e Madrid, tot lo mes de mai i a una corrida cada jorn (çò que fa mai de 30 seguidas) los murs son empapierats d'afichas contra la "barbarie" de la "fiesta nacional".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari