capçalera campanha

Actualitats

InternacionalPolitica

Escòcia farà tornarmai un referendum d’independéncia, se cal sens lo consentiment de Londres

Nicola Sturgeon se planh qu’al Reialme Unit lo govèrn “respècte pas la democracia ni l’estat de drech”

Tèxte legit

La primièra ministra escocesa, Nicola Sturgeon, a promés que lo referendum d’independéncia previst per l’an que ven seriá legal e constrenhent, e mai s’a pas lo sosten del parlament britanic. Es aital que la cap del Partit Nacional Escocés (SNP) a dobèrt la pòrta a un referendum unilateral. Dins una conferéncia de premsa, Sturgeon a declarat que per far aquel nòu referendum d’independéncia se fondava sul mandat democratic indiscutible de las darrièras eleccions escocesas, ont l’SNP s’impausèt practicament dins tot lo país.
 
Sturgeon se ditz tanben prèsta per negociar en cas que Londres vòlga un dialòg coma dins lo darrièr referendum. Pasmens, ela se planh qu’al Reialme Unit lo govèrn “respècte pas la democracia ni l’estat de drech”.
 
Es encara d’ora per conéisser los detalhs del referendum, que se presentaràn al Parlament escocés quand serà lo moment. Mas si que s’es reactivada la campanha de l’òc per l’independéncia amb la publicacion d’un vidèo.


 



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

david
4.

#3 Je ne comprends pas la comparaison iles britanniques et péninsule ibérique?
Quels sont les états nations dont vous parlez?

  • 0
  • 0
Franc Bardòu
3.

#1 Se la páur ligada a l'experiénica practica del fascisme castelhan contemporanèu ganha lo còr dels Escosseses, aquesta puta fascisme aurà ganhat una batalha. Mas los Escosseses an ja fotut un còp los Saxons a la mar, e un autre còp largament inferiors en nombre, e çò semblava, sense cap d'espèr, a cobrat lor sobeirania sus l'expacionisme anglés. Alavetz, perqué pas un referendum democratic, en Euròpa democratica ? Aquò s'assaja, non ? Las autoritats anglesas se comportèssen alara coma los fascistas castelhans, saupèram qu'aviam aquí non pas dos mas tres estats-nacions supremacistas enemics dels pòbles e de l'egalitat entre los pòbles. Serà donc tanben una bèla experiéncia per mesurar lo gra actual de democratisme efectiu en Euròpa.

  • 4
  • 2
Pitaluga
2.

A esperar la permission dels autres, se fa pas jamai res. Cal tirar endavant, coma fa dòna Sturgeon.
Per veire quales seràn los primièrs a trencar la clòsca de l'uòu.

  • 4
  • 2
fiertatpostnacionalista BCN
1.

Se l'unilateralitat deu marchar coma en Catalonha, benlèu festejarem l'independéncia escocesa aperaquí l'an 2130. Soi segur, totun, que los escoceses auràn atencha lor libertat fòrça abans qu'o farem nosautres.

  • 2
  • 3

Escriu un comentari sus aqueste article