capçalera campanha

Actualitats

Environament

Sonar aquesta calorassa “Canicula Total Énergies num. 1”

L’economista Maxime Combes prepausa de nomenar las èrsas de calor per lors responsables

Tèxte legit

Se donàvem a las èrsas de calor lo nom de lors responsables? O prepausa l’economista Maxime Combes, que suggerís, dins son blòg de Médiapart, d’apelar la calorassa actuala “canicula Total Énergies num. 1”, çò rapòrta Reporterre.
 
“Los climatològs son formals: l’escalfament, generat principalament per la combustion de las energias fossilas, aumenta la frequéncia, l’intensitat e la durada de las èrsas de calor”, çò explica Combes en tot mençonar lo rapòrt del Grop d’expèrts Intergovernamental sus l’Evolucion del Clima (GIEC) qu’anóncia un marrit avenir climatic per Euròpa.
 
Per aquela rason, per Combes caldriá nomenar los responsables de las catastròfas coma las societats dels sector de las energias fossilas que “contunhan d’explorar de jaces, e de n’esplechar mai e de refusar d’arrestar”. Precisament, segon l’economista, Total Énergies “encarna perfièchament una part importanta de la responsabilitat de las catastròfas climaticas”, mai que mai perque “contunha d’investir massissament dins las energias fossilas e perque es un actor màger del lobbying anticlimatic en França e en Euròpa”.

 
 
 
abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Esclòps Pernats esclòps abenats
7.

Enquèra una engana de jornalet .. ?

Aquò rai sabèm que total es pas a finançar jornalet deu èsser aquò


Pensi que sariá mai leu :

Canicula Aramco Number one .

Aramco ambe 61 143 milhons de tonas de CO2 escampadas desempuèi 1965
Gazprom ambe 44 757 milhons de tonas de CO2 escampadas desempuèi 1965
Chevron ambe 43 787 milhons de tonas de CO2 escampada desempuèi 1965
…………………………………………..
Total ambe 12 755 milhons de tonas de CO2 escampadas desempuèi 1965
https://climateaccountability.org/carbonmajors.html

Source: Climate Accountability Institute • Sur une période allant de 1965 et 2018, en ne prenant en compte que les entreprises productrices d'énergies fossiles.


M'en vau minjar un glacet ençò del çılgın Dondurmacı tè..

https://www.youtube.com/watch?v=ec03Hv62zL4

  • 0
  • 0
Emmanuèl Isopet
6.

#4#1 Anavi escriure quicòm e puèi, me soi demandat s'èra pas segond gra, o d'ironia. E s'es de marrida fe o d'encloscatge climatosceptic, i a pas res a respondre. Donc... M'aplanti aici.

  • 0
  • 1
Pitaluga
5.

E a la fin del quinquinà que començam, serà l'èrsa de calorassa Macron II.

  • 1
  • 0
Esclòps Pernats esclòps abenats
4.

Lo GIEC nascut en 1988 jos l'empencha de Donald Reagan e de Margaret Tatcher.

Es restacat a l'organizacion meteorologica internacionala qu'es jos l'aflat de l'ONU.

  • 1
  • 0
Esclòps Pernats esclòps abenats
3.

Anavi diser quicòm mas fin finala o disi pas! Anem zooooo !

  • 1
  • 0

Escriu un comentari sus aqueste article