Actualitats
Netflix es a aprestar una version del Jòc del Calamar per la telerealitat
En aquesta ocasion es pas previst de tuar los concurrents, e çò pièger que lor pòsca arribar “es tornar a l’ostal amb las mans vuèjas”
Tèxte legit
Netflix ven d’anonciar una emission de telerealitat basada sus sa sèria mai populara, The Squid Game o Lo Jòc del Calamar. L’emission tendrà per nom Squid Game: The Challenge, e mostrarà l’evolucion de 456 participants qu’ensajaràn de superar totas las espròvas per obténer un prèmi de 4,56 milions de dolars.
En aquesta ocasion es pas previst, de segur, de tuar los concurrents, e çò pièger que lor pòsca arribar “es tornar a l’ostal amb las mans vuèjas”, çò asseguran los organizaires. “Los jogaires de la vida reala seràn immergits dins l’iconic univèrs de Squid Game e saupràn jamai çò que lor arribarà. Concorreràn dins una tièra de jòcs esmovents per venir lo sol subrevivent e rintrar amb una gratificacion pecuniària que lor cambiarà la vida. Prenètz-o en compte: que ganhen o pèrdan, totes los jogaires sortiràn indemnes. Mas lo que ganharà, ganharà fòrça!”
Netflix a avançat que l’emission se centrarà mai que mai sus “las estrategias, las alianças e lo caractèr” dels participants.
Lo casting per i participar es dobèrt a de personas del Mond entièr, las condicions son d’aver mai de 21 ans, de mestrejar l’anglés, d’aver un passapòrt valid, d’èsser pas emplegat o parent d’un salariat de Netflix e d’èsser disponible per quatre setmanas d’enregistrament previstas al començament de 2021.
Los candidats devon mandar un vidèo d’una minuta ont explicaràn, en anglés, quin es lor interès per i participar, quinas estrategias practicarián dins lo jòc e çò que farián amb l’argent del prèmi en cas de victòria.
En aquesta ocasion es pas previst, de segur, de tuar los concurrents, e çò pièger que lor pòsca arribar “es tornar a l’ostal amb las mans vuèjas”, çò asseguran los organizaires. “Los jogaires de la vida reala seràn immergits dins l’iconic univèrs de Squid Game e saupràn jamai çò que lor arribarà. Concorreràn dins una tièra de jòcs esmovents per venir lo sol subrevivent e rintrar amb una gratificacion pecuniària que lor cambiarà la vida. Prenètz-o en compte: que ganhen o pèrdan, totes los jogaires sortiràn indemnes. Mas lo que ganharà, ganharà fòrça!”
Netflix a avançat que l’emission se centrarà mai que mai sus “las estrategias, las alianças e lo caractèr” dels participants.
Lo casting per i participar es dobèrt a de personas del Mond entièr, las condicions son d’aver mai de 21 ans, de mestrejar l’anglés, d’aver un passapòrt valid, d’èsser pas emplegat o parent d’un salariat de Netflix e d’èsser disponible per quatre setmanas d’enregistrament previstas al començament de 2021.
Los candidats devon mandar un vidèo d’una minuta ont explicaràn, en anglés, quin es lor interès per i participar, quinas estrategias practicarián dins lo jòc e çò que farián amb l’argent del prèmi en cas de victòria.
Do you want to play a game? Enter to join Squid Game: The Challenge at https://t.co/MaXfZnqmvbpic.twitter.com/6gYLXlplDC
— Netflix (@netflix) June 14, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari