Actualitats
La ministra de l’Interior britanica apròva l’extradicion de Julian Assange
La defensa a encara catòrze jorns per presentar un recors contra la decision
Tèxte legit
La ministra de l’Interior britanica, Priti Patel, a aprovat l’extradicion del fondador de WikiLeaks, Julian Assange, als Estats Units, çò rapòrta The Guardian. L’afar de l’activista arribèt entre las mans de Patel lo mes passat, quand la Cort Suprèma declarèt que i aviá pas d’empediments legals sus las garentidas e lo tractament que recebriá Assange per las autoritats estatsunidencas. Totun, la defensa a encara catòrze jorns per presentar un recors contra la decision.
“Dins aqueste afar, los tribunals del Reialme Unit an pas considerat que l’extradicion de Sénher Assange pòsca èsser opressiva, injusta o abusiva. […] An pas considerat que l’extradicion siá incompatibla amb los dreches umans, comprés lo drech d’aver un jutjament just e la libertat d’expression, de sòrta qu’als Estats Units serà tractat d’un biais apropriat”, çò assegurèt divendres lo pòrtavotz del ministèri.
Abans de sosténer l’extradicion, Patel a pres en compte qualques dobtes legals que presentava la procedura, compresa la promesa dels Estats Units qu’executariá pas l’activista se foguèsse declarat colpable. Los Estats Units reclaman Assange per aver desvelat de centenats de documents confidencials. L’acusan de 18 delictes d’espionatge e de conspiracion, coma la revelacion de crimes de guèrra comeses en Iraq e Afganistan. Ara per ara, lo ministèri public estatsunidenc demanda una pena de 175 ans de preson.
“Dins aqueste afar, los tribunals del Reialme Unit an pas considerat que l’extradicion de Sénher Assange pòsca èsser opressiva, injusta o abusiva. […] An pas considerat que l’extradicion siá incompatibla amb los dreches umans, comprés lo drech d’aver un jutjament just e la libertat d’expression, de sòrta qu’als Estats Units serà tractat d’un biais apropriat”, çò assegurèt divendres lo pòrtavotz del ministèri.
Abans de sosténer l’extradicion, Patel a pres en compte qualques dobtes legals que presentava la procedura, compresa la promesa dels Estats Units qu’executariá pas l’activista se foguèsse declarat colpable. Los Estats Units reclaman Assange per aver desvelat de centenats de documents confidencials. L’acusan de 18 delictes d’espionatge e de conspiracion, coma la revelacion de crimes de guèrra comeses en Iraq e Afganistan. Ara per ara, lo ministèri public estatsunidenc demanda una pena de 175 ans de preson.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La ministra de l’Interior britanica apròva l’extradicion de Julian Assange, l'alienacion dels Britanics (e, impliictament, del mond sencer) a la volontat autoritarista e antidemocratica dels EUA e lo sebeliment de la democracia, sense flors, mas amb una fotuda corona que ditz plan tot çò qu'a de dire : mè!rda als pòbles e a sos dreits (a l'informacion justa e critica e a la libertat d'expression).
Amb l'extradicion d'aqueste òme cap a la dictatura neoliberal americana, son los dreits umans que son en dòl.
Tlotalament d'acordi amb en Pitaluga.
Sénher Assange es victima d'un secutament injust e tenaç qu'a fach taular la democracia en Eqüator, violar l'asili diplomatic e que se caga suls dreches de l'òme.
La situacion dels lançaires d'alèrta es ja plan preocupanta. Amb l'acarniment sus Assange, es la libertat de poder denonciar las malafachas e los crimis d'estat qu'es matrassada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari