Actualitats
Resultat istoric de l’independentisme en Polinesia Francesa
Quant a l’ensemble de l’estat, Macron pèrd la majoritat absoluda e se situa a pauca distància de l’union de las esquèrras. Los Republicans davalan a la mitat e l’extrèma drecha obten mai de deputats que jamai
Tèxte legit
Resultat istoric de l’independentisme en Polinesia Francesa a las eleccions legislativas. Dins las tres circonscripcions de las illas a ganhat Tavini Huiraatira, lo partit independentista. Es lo primièr còp qu'aquel partit obten mai d’un deputat, e tanben lo primièr que ganha d’eleccions sens cap d’aliança.
Dins la primièra circonscripcion, Nicole Bouteau es estat superada (49,12%) per Tematai Le Gayic (50,88%), del partit independentista. Dins la segonda, l’independentista Steve Chailloux (58,89 %) a ganhat contra Tepuaraurii Teriitahi (41,11 %), lo president del grop del partit autonomista a l’Assemblada de la Polinesia Francesa. E dins la tresena, Moetai Brotherson, deputat, tanben del partit independentista, a amplament davançat (61,32%) Tuterai Tumahai (38,68%).
Dins los tres cases, un autonomista, amb lo sosten del president del govèrn local, Edouard Fritch, e de la plataforma electorala d’Emmanuel Macron, s’es opausat a un independentista, sostengut per la Nòva Union Populara Ecologica e Sociala (NUPES).
Macron pèrd la majoritat absoluda
Coma al primièr torn, se ten un duèl estrech entre la NUPES e lo macronisme. Ensems, la plataforma electorala del president Macron pòt ganhar las eleccions legislativas mas a perdut la majoritat absoluda del temps que la NUPES se situa fòrça près d’Ensems, segon las estimacions de 20h.
Los Republicans van obténer la meitat de deputats que dins la legislatura precedenta, mas sembla que seràn lo sòci mai probable de Macron per governar.
Una creissença considerabla es la del Recampament Nacional, qu’en tot obténer mai de 60 deputats, auràn drech de depausar de mocions de censura o de sasir lo Conselh Constitucional. Avián pas pus de grop parlamentari dempuèi 1986, mas alavetz las eleccions s’èran fachas a l’escrutini proporcional. S’enrasiga en Occitània: per exemple, lo departament d’Aude manda tres deputats sus tres a París, e lo de Var sèt sus uèch.
Podètz consultar los resultats e las taxas de participacion sul sit del Ministèri de l’Interior francés.
Dins la primièra circonscripcion, Nicole Bouteau es estat superada (49,12%) per Tematai Le Gayic (50,88%), del partit independentista. Dins la segonda, l’independentista Steve Chailloux (58,89 %) a ganhat contra Tepuaraurii Teriitahi (41,11 %), lo president del grop del partit autonomista a l’Assemblada de la Polinesia Francesa. E dins la tresena, Moetai Brotherson, deputat, tanben del partit independentista, a amplament davançat (61,32%) Tuterai Tumahai (38,68%).
Dins los tres cases, un autonomista, amb lo sosten del president del govèrn local, Edouard Fritch, e de la plataforma electorala d’Emmanuel Macron, s’es opausat a un independentista, sostengut per la Nòva Union Populara Ecologica e Sociala (NUPES).
Macron pèrd la majoritat absoluda
Coma al primièr torn, se ten un duèl estrech entre la NUPES e lo macronisme. Ensems, la plataforma electorala del president Macron pòt ganhar las eleccions legislativas mas a perdut la majoritat absoluda del temps que la NUPES se situa fòrça près d’Ensems, segon las estimacions de 20h.
Los Republicans van obténer la meitat de deputats que dins la legislatura precedenta, mas sembla que seràn lo sòci mai probable de Macron per governar.
Una creissença considerabla es la del Recampament Nacional, qu’en tot obténer mai de 60 deputats, auràn drech de depausar de mocions de censura o de sasir lo Conselh Constitucional. Avián pas pus de grop parlamentari dempuèi 1986, mas alavetz las eleccions s’èran fachas a l’escrutini proporcional. S’enrasiga en Occitània: per exemple, lo departament d’Aude manda tres deputats sus tres a París, e lo de Var sèt sus uèch.
Podètz consultar los resultats e las taxas de participacion sul sit del Ministèri de l’Interior francés.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Segur qu'un còp qu'òm a comprès que Jornalet es ni mai ni mens qu'un diari d'informacion catalan escrich en occitan i-a pas de que s'estonar del caractèr anecdotic o francament fòra-sujèt de certas nòvas. Es aquò que fai son gaubi.
#9 Per un partit, independentista o dependentista, la question de saber se botam l'economia en subre de las votacions legislativas o se botan las votacions legislativas en subre de l'economia se pausarà sempre, de tot biais. Mas dins una region "alla francese", la votacion legislativa non existís pas. Donc lo debat real (non pas "jacobin", coma disètz), non se pausa pas. Es per aiçò que los "régionalistes" (s.i.c.) còrses o basques non an besonh de se posicionar clarament sus aqueste subjècte per far campanha electorala.
Totun, tant en Exagonia coma en defòra, sempre se pausarà la question fondamentala : es qu'es a l'uman (coma un mejan) que reven de servir (servilament, donc) l'economia (coma una fin en se) al mesprètz de la Natura, o es que reven a l'economia (coma un mejan) de servir l'uman (coma una fin en se) dins lo respècte escrupulós e lo principi de precaucion sistematic de la Natura ? Avètz lo dreit total de non apelar aquò "la dreita" contra "l'esquèrra". Mas alavetz, cossí l'apelatz, en fòra de tota "geografia ideologica jacobina" ?
#7 E òc ! pietados que n'aja encara que s'afirman "occitnistas anti-jacobins" en se díser "d'esquèrra" (per exemple) ! MDR!
T'an pas comprés aquò, que la quita nocion de "dreita vs esquèrra" es una nocion "jacobina" !
Praubes Occitans encloscats : e coma volhatz qu'auja un occitanisma politic dinamic se d'en primièr los Occitans an per paradigma la vision "jacobina" de la politica ? au lòc de pensar "emancipacion nacionala", o quitament "preservacion de l'environament" a un nivèl internacional etc etc... NON ! de'n primièr, los Occitans se definissen "d'esquèrra" ou "de dreita", pr'amor que son formatats per dintrar dins lo modèle jacobin. E es que los deputats nacionalistas corses o los independentisats polinesencs se díson "de dreita" o "d'esquèrra" ??? Solide que non : se son estats ongan sostengut localament per tal o tal partit francés, es unicamaent segon lo principi de "los enemics de mos enemics son mos amics", en non pas coma los praubes Occitans una adesion a un camp "jacobins" ! lo jorn ont los Occitans t'auràn comprés aquò, qu'es contraproductiu de'n primièr de se carpinhar entre nautres sus la question "de dreita" o "d'esquèrra", benlèu que sortirèm de l'androna. Es pas doman la velha...
#6 "Jornalet", lo jornal qu'assabenta los Occitans de çò que se passa en defòra d'Occitània... O avètz pas encara comprés ?
#2 Molon de gent son encontra lo jacobinisme. Mai es lo jacobinisme primier que creat lo nocion de senestra e de dreita. La senestra es en contra lo veto dau rei, la dreita a favor.
Verai que l'aligança que voldrà cercar lo Macron e sos ministres ne sera pas a sa senestra, sera a sa dreita, per aquel arleri bonapartiste aquo lo reinstalara plan dins sa politica per 5 ans.
Ja an començat, amb monsen lo consol de Pau BAYROU, que disio dau recampament nacional "soi pas segur que seria d'estrema drecha" e aquo continua amb dupont-moretti "que vol avançar sus los grands temas de justicia" amb la RN...
https://www.lindependant.fr/2022/06/20/avancer-ensemble-avec-le-rn-la-sortie-deric-dupond-moretti-cree-la-polemique-10384504.php
https://twitter.com/2022Elections/status/1537882248334041091?s=20&t=QFEgcMPYaLwh8QBZD_BtoA
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari