Actualitats
Lo Catalangate es arribat a l’ÒNU
Lo raportaire especial sus los dreches e la libertat de reünion e d’associacion, Clément Nyaletsossi Voule, assegura qu’es un afar considerable e que cal prene de mesuras
Tèxte legit
Lo Catalangate es arribat a l’ÒNU. L’espionatge dels telefòns mobils d’elegits, avocats e jornalistas independentistas catalans es pervengut al Conselh dels Dreches Umans de las Nacions Unidas après que l’estat espanhòl refusèt d’examinar los faches. Lo raportaire especial de l’ÒNU sus los dreches e la libertat de reünion pacifica e d’associacion, Clément Nyaletsossi Voule, a assegurat que lo Catalangate èra un afar considerable e que caliá prene de mesuras per que los estats quitèsson d’emplegar lo logicial Pegasus.
L’afar es arribat a l’ÒNU a la demanda d’Òmnium Cultural. Diluns passat, 20 de junh, lo president d’aquela associacion, Xavier Antich, denoncièt la complicitat de l’estat espanhòl amb l’espionatge illegal e demandèt a l’ÒNU qu’entamenèsse una enquista per ne descobrir los responsables. Antich expliquèt que Citizen Lab aviá certificat que 65 personas en Catalonha èran estadas espionadas illegalament. “Lo Catalangate es l’afar d’espionatge pus grand del Mond amb Pegasus”, e mai assegurèt que “d’evidéncias convencentas senhalan las autoritats espanhòlas”.
L’interprèt d’espanhòl refusa de revirar
Antich parlèt en francés e l’interprèt que ne deviá far la traduccion en espanhòl refusèt de traduire. “Per malastre, lo son es pas pro bon per qu’o pòsca interpretar”, çò diguèt. Pasmens, lo son èra pro bon e mai l’intervencion èra sostitolada. En mai d’aquò, si qu’interpretèt las intervencions dels autres representants e organizacions.
L’afar es arribat a l’ÒNU a la demanda d’Òmnium Cultural. Diluns passat, 20 de junh, lo president d’aquela associacion, Xavier Antich, denoncièt la complicitat de l’estat espanhòl amb l’espionatge illegal e demandèt a l’ÒNU qu’entamenèsse una enquista per ne descobrir los responsables. Antich expliquèt que Citizen Lab aviá certificat que 65 personas en Catalonha èran estadas espionadas illegalament. “Lo Catalangate es l’afar d’espionatge pus grand del Mond amb Pegasus”, e mai assegurèt que “d’evidéncias convencentas senhalan las autoritats espanhòlas”.
L’interprèt d’espanhòl refusa de revirar
Antich parlèt en francés e l’interprèt que ne deviá far la traduccion en espanhòl refusèt de traduire. “Per malastre, lo son es pas pro bon per qu’o pòsca interpretar”, çò diguèt. Pasmens, lo son èra pro bon e mai l’intervencion èra sostitolada. En mai d’aquò, si qu’interpretèt las intervencions dels autres representants e organizacions.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 avisa t'i, lo comitat censor t'es a susvelhar.
au prumèr avís, una semonça de "n'as pas qu'a escríver tu".
au dusau la censura pura e dura. comentari escafat, despareishut, desbrembat.
Dison organizacion o òrganizacion? ònu o onu ?
Lo Catalangate es benlèu arribat a l’ÒNU mas la desfacha istorica en Occitània de la majoritat macroniana escobada per lo RN e la NUPES sembla totjorn pas ésser arribada fins a Barcelona.
Pòdon senhalar tot çò que vòlon e denonciar totes los que vòlon. Tant que non i aurà una politica d'estricte retorcion contra los membres del governament castelhan, los fascistas poiràn continuar tranquillament d'obrar a lors crimes politics, en tot se la nos jogar "democratas encarvatats internacionals".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari