Actualitats
Secada istorica de las aigas de Pò
La davalada de las aigas del flume a mes a descobèrt un tanc de la IIa Guèrra Mondiala e un vaissèl de carga de 50 mètres de long
Tèxte legit
Nascut en Occitània, dins la val omonima, Pò es lo flume pus long d’Itàlia e un dels pus grands d’Euròpa amb Danubi, Ròse, Ren... Pòrta l’aiga dels Alps mas s’es pas quitament desliurat de la secada. Lo flume èra tot plen de vaissèls de passatgièrs o de transpòrt de mèrças mas n’i a pas pus, demòra qualques naus toristicas qu’ensajan de resistir amb l’espèr que las aigas tornaràn als nivèls abituals.
Manca d’aiga potabla
Mas la situacion es cada còp pièger, segon Meucio Berselli, secretari general de l'Autoritat del Districte de Pò: son de camions cistèrna qu'aduson l’aiga potaba a qualques desenas de comunas de Piemont e de Lombardia perque las fonts se son assecadas e que la nèu dels Alps s’es ja completament fonduda, çò rapòrta Il Corriere della Sera, que publica d’imatges inquietantas.Qualques municipalitats an enebit d'asagar, de lavar las veituras e d'emplir las piscinas.
Segon Luca Mercalli, president de la Societat Meteorologica Italiana, las temperaturas ongan son estadas pus nautas que de costumas, las pluèjas mai escassas e i a agut fòrça mens de nèu, mai que mai dins lo sud dels Alps. “Aquesta secada es unica dins l'istòria per la combinason de doas anomalias: la manca de pluèja, e la temperatura pus nauta, que son de causas dirèctament restacadas al cambiament climatic", çò precisa.
En Piemont, ont la region demanda que se declare l’estat d’emergéncia, las pluèjas an davalat del 59% entre genièr e mai a respècte de 2021.
Quant al dèlta de Pò, l’aiga de mar es a montar totjorn que mai, e la situacion dels agricultors es desolanta. Ara, la region Lombardia a demandat a las societats idroelectricas que daissen rajar l’aiga de las restancas per favorir los cultius.
Il #Po è in secca, da mesi. In alcuni comuni hanno iniziato a razionare l’acqua. La sentite? È la #crisiclimatica che si fa sempre più reale. È il momento di #agire, ora o mai più#siccitapic.twitter.com/X9QQpNpf4p
— Fridays For Future Italia (@fffitalia) June 16, 2022
125 comuni senza acqua: la siccità del Po più grave dal 1952 https://t.co/aVRczC4rTq
— euronews Italiano (@euronewsit) June 16, 2022
Siccità, il mare risale lungo il Po: “Tutto il raccolto è a rischio” https://t.co/2VfADYB4n5
— laNuovaVeneziaMestre (@nuova_venezia) June 20, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que esperava la gent, que no es porta temps avisant!? Ja es deia que podia passar quelcom, però la gent, Ai no, tot normal a fer com cada dia igual que els últims vuitanta anys, i mira, ara sense aigua!
Si s'avisa no és perquè uns polítics que només pensen en la cadira, i a no dir coses políticament incorrectes. no en facin ni cas, i al gent ja els va bé, malgrat tot el que passa, tot igual.
Doncs a llavors que!? Sembla que a patir sed, o tot classe de restriccions, perquè, cuan fou el moment no es feu res, i el moment ja ha passat. A veure que faran o diran ara!?
Visca la Terra...Lliure!
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari