Actualitats
Mai de 100 milions de refugiats dins lo Mond, segon lo NACNUR
Lo Naut Comissariat de las Nacions Unidas pels Refugiats avertís que lo nombre de personas forçadas de quitar lors ostals e païses s’es doblat aquestes darrièrs 10 ans
Tèxte legit
Lo nombre de personas obligadas de quitar lor ostal e lor país s’es doblat aquestes darrièrs 10 ans, segon un rapòrt publicat pel Naut Comissariat de las Nacions Unidas pels Refugiats (NACNUR) lo 20 de junh passat, a l’ocasion del jorn mondial dels refugiats.
Ara, delà las guèrras, creis tanben lo nombre de refugiats restacats a la crisi climatica a causa de las secadas e de las penúrias. A mai, l’exòde provocat per l'invasion russa d'Ucraïna a fach pojar la chifra totala de refugiats fins a 100 milions de personas, dètz milions de mai que l’an passat.
Abans la guèrra d’Ucraïna, l’85% dels refugiats èran aculhits dins de païses empaurits. Ara, l’exòde de refugiats ucraïneses aculhits dins l’UE a reduch aquela proporcion al 70%. Turquia es lo país qu’aculhís mai de refugiats; 3,6 milions de personas refugiadas, en majoritat sirianas.
La guèrra en Ucraïna a demostrat qu’Euròpa pòt aculhir se vòl. Los expèrts del NACNUR considèran que lo sistèma aplicat als refugiats d'Ucraïna se deu pas considerar discriminatòri, mas qu’es un modèl de seguir per totòm.
Ara, delà las guèrras, creis tanben lo nombre de refugiats restacats a la crisi climatica a causa de las secadas e de las penúrias. A mai, l’exòde provocat per l'invasion russa d'Ucraïna a fach pojar la chifra totala de refugiats fins a 100 milions de personas, dètz milions de mai que l’an passat.
Abans la guèrra d’Ucraïna, l’85% dels refugiats èran aculhits dins de païses empaurits. Ara, l’exòde de refugiats ucraïneses aculhits dins l’UE a reduch aquela proporcion al 70%. Turquia es lo país qu’aculhís mai de refugiats; 3,6 milions de personas refugiadas, en majoritat sirianas.
La guèrra en Ucraïna a demostrat qu’Euròpa pòt aculhir se vòl. Los expèrts del NACNUR considèran que lo sistèma aplicat als refugiats d'Ucraïna se deu pas considerar discriminatòri, mas qu’es un modèl de seguir per totòm.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Lachaud, a magno terrore libera nos, oh magnifice et magne imprecator !
Qui a fach aquel rapòrt?
Una instança de l'ONU que parla au nom de las familhas las pus poderosas que dominan?
L'òm nos parla de famines, de guerras, de pandemias mas l'òm se damanda si tot aquò es pas fabricat per nos butir vers l'esclavatge, l'obeissença a un rei que porta pus lo nom o un sistem econico-financier-technologic internacional.
Que fai l'ONU per empeschar la guerra, la famina, organisar l'armonia au niveu internacional. L'ONU a pas de poder mas obeit a qui?
Las annadas 2020/2022 restaran dins l'istòria coma lo temps de la Granda Paur. La famina es dins los pais paubres? mas ajetz pas paur si quò continua aitau la famina sera tanben en FRança.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari