Actualitats
Languiment: Primaël Montgauzí presenta son darrièr album
Lo disc conten de cançons nòvas inspiradas del fado, de la cançon orientala, de la morna capverdiana, de la bossa, de la tròva latina e del folksong
Tèxte legit
Lo cantautor gascon Primaël Montgauzí ven de presentar son darrièr disc entitolat Languiment, un album de 10 títols que, delà las conegudas “Libertat” e “Cant de rua”, conten de cançons nòvas inspiradas del fado, de la cançon orientala, de la morna capverdiana, de la bossa, de la tròva latina e del folksong. Amb Languiment, lo cantador cèrca de “revelar los sentits mes personaus e universaus a l’encòp, díser deu Mond los flux qui nos travèrsan, entre marmús e crit, entre desesperança e volontat de luta, entre dolor e doçor”, çò conta dins son sit.
Delà las cançons en gascon, lo cantador d’Aush presenta tanben un duo damb la cantadora francomalgasha Fifaliana Defontaines, una cançon en catalan que foguèt guierdonada al festenal MiL de Xàtiva, una cançon en espanhòl per fa onor a sas influéncias latinoamericanas e una cançon en francés per l’evocacion poetica del Canal de Brienne a Tolosa.
La sonoritat d’aquel “languiment”, biais occitan de dire “saudade”, evoca pro lo títol. I escotaretz d’instruments variats coma la guitarra classica, la guitarra portuguesa, l’od, la darboka, lo cajón, e lo daf, totes jogats pel multiinstrumentista francotunisian Chokri Trabelsi, e la violoncèla entre las mans de la musiciana parisianoroergassa Mathilde Comoy-Robert. Tanben ausiretz lo piano e l’acordeon cromatic.
L’album se presenta amb un grafisme de l’illustrator gascon Ugo Bagnarosa: “Amic d’enfança qui’m segueish e m’acompanha dens los mens projèctes dempuish la debuta”, çò precisa lo cantador. Las paraulas son disponiblas sus Trobasons e l’album complet se pòt trobar sus YouTube e Spotify.
Delà las cançons en gascon, lo cantador d’Aush presenta tanben un duo damb la cantadora francomalgasha Fifaliana Defontaines, una cançon en catalan que foguèt guierdonada al festenal MiL de Xàtiva, una cançon en espanhòl per fa onor a sas influéncias latinoamericanas e una cançon en francés per l’evocacion poetica del Canal de Brienne a Tolosa.
La sonoritat d’aquel “languiment”, biais occitan de dire “saudade”, evoca pro lo títol. I escotaretz d’instruments variats coma la guitarra classica, la guitarra portuguesa, l’od, la darboka, lo cajón, e lo daf, totes jogats pel multiinstrumentista francotunisian Chokri Trabelsi, e la violoncèla entre las mans de la musiciana parisianoroergassa Mathilde Comoy-Robert. Tanben ausiretz lo piano e l’acordeon cromatic.
L’album se presenta amb un grafisme de l’illustrator gascon Ugo Bagnarosa: “Amic d’enfança qui’m segueish e m’acompanha dens los mens projèctes dempuish la debuta”, çò precisa lo cantador. Las paraulas son disponiblas sus Trobasons e l’album complet se pòt trobar sus YouTube e Spotify.
 | MONTGAUZÍ, Primaël. Languiment. Autoedicion, 2022. 10 títols. 15 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Hèra bon cantaire! que passa sovent sus Ràdio País e qu'ei un plaser a cada còp!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari