Un acòrdi, signat dimècres passat a Perpinhan entre l’estat, la region e lo departament, permetrà que l’ensenhament del catalan s’estenda progressivament dins los establiments de Catalonha Nòrd amb la tòca que dins dètz ans son ensenhament siá prepausat pertot.
 
L’acòrdi l’an signat Sophie Béjean, rectritz de l’acadèmia de Montpelhièr, representanta de l’educacion dicha nacionala; Benjamin Assié, conselhièr regional responsable de las lengas occitana e catalana, e Hermeline Malherbe, presidenta del conselh departamental dels Pirenèus Orientals.
 
L’Ofici Public de la Lenga Catalana (OPCL) s’encargarà de dinamizar e de far lo seguiment annadièr de l’aplicacion de l’acòrdi, que se desplegarà a partir d’un pache especific que ne concretizarà los aspèctes practics e que se signarà lèu.

 

Avui 22/06/22 signem amb l'Estat, la Regió, el Departament a la seu de l'OPLC l'acord marc per al desenvolupament i l'estructuració de l'ensenyament del català, en 10 anys, el 100% dels alumnes que ho desitgin podran fins a la universitat aprendre català ⁦@RadioArrels⁩ pic.twitter.com/pjbR8o6t3d

— Nicolas GARCIA (@GarciaNicolas66) June 22, 2022