Actualitats
Massacre de Melilla: la Comission Europèa refusa de demandar una enquista
Nabila Massrali defend lo besonh de “refortir la cooperacion dins la lucha contra los rets de crime organizat”
Tèxte legit
La pòrtavotz dels afars exteriors e de la seguretat de l’executiu comunautari, Nabila Massrali, a dich qu'èran en contacte amb las autoritats del Marròc per comprene las “circonstàncias detalhadas” de faches qu'a qualificat de tragics. Mas malgrat la volontat exprimida d’esclarzir çò que se passèt, Brussèllas demanda pas per ara una enquista suls faches.
D'autre caire, Massrali a defendut lo besonh de “refortir la cooperacion dins la lucha contra los rets de crime organizat”, segon ela “implicats dins lo trafec d’èssers umans”. De son latz, l'ÒNU exigís d'Espanha e de Marròc una enquista.
Espanha reïtèra los mercejaments a Marròc
De son caire, la pòrtavotz del govèrn espanhòl, Isabel Rodríguez, reïtèra los mercejaments a Marròc e assegura que cal protegir la frontièra. Dins sa conferéncia de premsa, Rodríguez empachèt que la ministra de las egalitats, Irene Montero, repondèsse a las questions dels jornalistas. Montero es del partit d'esquèrra radicala Podèm qu’es al govèrn de l’estat en coalicion amb lo PSÒE, e qu’a demandat el una enquista sus aquel massacre.
Acarnament
Los faches aguèron luòc divendres passat, quand la polícia de assagèt d’empachar un saut massís de la barrièra transfrontalièra a Melilla. Los policièrs gasèron los migrants e lor lancèron de pèiras, en los daissant amolonats sul sòl sens que poguèsson recebre cap de mena d’ajuda, del temps que de desenas de policièrs los environavan e los batián amb de matracas amb acarnament.
D’imatges mòstran d’agents antisusmautas marroquins a “trabalhar” del costat espanhòl amb la Gàrdia Civila, per arrestar los qu’avián capitat a sautar e per los menar detenguts a Marròc.
Represa de las relacions Madrid-Rabat
Es la primièra temptativa multitudinària de sautar la barrièra de la frontièra sud de l’UE après la represa de las relacions diplomaticas entre Madrid e Rabat. Lo govèrn espanhòl a modificat son posicionament istoric sul Sahara Occidental, considerat ara per Madrid coma un territòri marroquin amb drech d’autonomia.
"No em preocupa el crit dels violents, dels corruptes, dels deshonestos, dels sense ètica. El que més em preocupa és el silenci dels bons" Martin Luther King
— COCOOPSI (@cocoopsi) June 27, 2022
No serem còmplices de la tragèdia de Melilla pic.twitter.com/K1bx1b0QQg
"On és el Black Lives Matter?", denuncien les persones de l'últim salt de Melilla. Alguns han estat deportats tres vegades a Algèria. I fins i tot a Nigèria. “Tractats com animals”, diuen de la Gendarmeria. Això és la #FronteraSud finançada per la UE https://t.co/AlHQRg45Lrpic.twitter.com/vC3jP3g1kY
— Ferran Moreno (@FerranMorenoG) June 26, 2022
Huyen del hambre, las guerras y la injusticias, pero son negros y africanos, no europeos y blancos. A Ucrania mandamos armas para que se defiendan. A la frontera de Melilla mandamos a gente a que los dispare. Han muerto ya 37 personas, pero no pasa nada, son africanos. pic.twitter.com/i1aD7tlLqF
— Marwán (@Marwanmusica) June 26, 2022
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari