Quita pas d’èsser ofensiu que las femnas del Mond ajan un jorn consagrat a elas, talament, coma se foguèsse lo Jorn Internacional de la Tèrra o lo Jorn Internacional de la Lucha contra lo Càncer. Destinar un jorn a una causa es un simptòma indubitable qu’aquela causa se pòrta en una situacion delicada. Per exemple, i a pas cap de Jorn Internacional del Comèrci ni cap de Jorn Internacional de la Guèrra. Que las femnas ajan un jorn consagrat es, lamentablament, la pròva evidenta d’una trista realitat.
Òm pòt pensar que las femnas europèas, e las de qualques autres endreches avançats, an pas de problèmas grèus. Es vertat sonque en partida. L’egalitat ensaja de se generalizar e la legislacion la defend davant lo masclisme, lo secutament o los abuses al trabalh. I a, evidentament, fòrça cases de violacion de lors dreches e la violéncia masclista s’arrèsta pas. Totun es innegable que nàisser en Euròpa, en Austràlia o en Canadà es melhor per una femna que dins d’autres endreches. Mas aquela relativa situacion confortabla de la femna occidentala nos deu pas far pèrdre la perspectiva: la majoritat de las femnas de la planeta vivon dins d’endreches ont l’egalitat dels genres es de sciéncia ficcion. Vaicí un cas recent d’aquesta setmana: las Nacions Unidas an suspendut lo maraton de Gaza après que lo govèrn de l’Hamas aja decretat que las femnas i pòdon pas participar. En prenent en compte que las femnas ben poguèron participar a las doas edicions precedentas, es un reculament evident.
I a de milièrs d’autres cases e volèm pas qu’aqueste article siá una relacion de cases concrets. La còla de Jornalet nos volèm solament solidarizar amb las femnas oprimidas del Mond e far una crida a l’atencion sus la grevissima injustícia que patisson dins totes los païses del Mond. Las femnas europèas an luchat per una egalitat amb fòrça mancas e es lo trabalh de totes de demostrar al Mond que la discriminacion de la femna es una malautiá masclista e fanatica que se pòt combatre e destruir. Esperam que qualque jorn, poirem escafar del calendièr lo Jorn Internacional de la Femna e consagrar lo 8 de març a festejar lo Jorn de l’Egalitat dels Genres.
Òm pòt pensar que las femnas europèas, e las de qualques autres endreches avançats, an pas de problèmas grèus. Es vertat sonque en partida. L’egalitat ensaja de se generalizar e la legislacion la defend davant lo masclisme, lo secutament o los abuses al trabalh. I a, evidentament, fòrça cases de violacion de lors dreches e la violéncia masclista s’arrèsta pas. Totun es innegable que nàisser en Euròpa, en Austràlia o en Canadà es melhor per una femna que dins d’autres endreches. Mas aquela relativa situacion confortabla de la femna occidentala nos deu pas far pèrdre la perspectiva: la majoritat de las femnas de la planeta vivon dins d’endreches ont l’egalitat dels genres es de sciéncia ficcion. Vaicí un cas recent d’aquesta setmana: las Nacions Unidas an suspendut lo maraton de Gaza après que lo govèrn de l’Hamas aja decretat que las femnas i pòdon pas participar. En prenent en compte que las femnas ben poguèron participar a las doas edicions precedentas, es un reculament evident.
I a de milièrs d’autres cases e volèm pas qu’aqueste article siá una relacion de cases concrets. La còla de Jornalet nos volèm solament solidarizar amb las femnas oprimidas del Mond e far una crida a l’atencion sus la grevissima injustícia que patisson dins totes los païses del Mond. Las femnas europèas an luchat per una egalitat amb fòrça mancas e es lo trabalh de totes de demostrar al Mond que la discriminacion de la femna es una malautiá masclista e fanatica que se pòt combatre e destruir. Esperam que qualque jorn, poirem escafar del calendièr lo Jorn Internacional de la Femna e consagrar lo 8 de març a festejar lo Jorn de l’Egalitat dels Genres.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Solide que las femnas europeencas son tractadas melhor que las d'Africa, d'Arabia ,del Tibet, mas tot en disent aquò , coma sus França Culture per la boca de Brice Couturier en parlant dels Femens, França es pas Russia, o Ukraina , o diguèt lo gal orgulhos, ièr passat de bon matin; oblidem lèu qu'aici una femna es tuada cada 2 jorns , que los salaris son de 20 % mens que lo dels òmes, que 160000 femnas son violentadas cada annada , e que mantunas se calan al luòc d'anar a la policia...
Per resumir Franca es darrièra dins Euròpa, per las femnas , pels enfants ( veire la maltractança) , per las prisons , per la justicia per la corrupcion , per l'emplèc, per las energias renovelablas , per lo steack de caval, pel maridatge gay, per lo drech de vòta donat sonque en 1958, per lo drech del trabalh que desbordèla, per tot un fum de causas . França es lo pais lo mai endarrierat d'Euròpa... E contunha de jutjar lo monde entièr coma s'èran encara en 1793 !!!!!!....Levat un punt : França es totjorn l'autre pais del fromatge .......dels elegits!
Adiu TITANIC.... Deman lo fracatge.
Sus libe tolosa, un article sus la manif de las "Famuni" al pè de l'estatua de Joana d'Arc (sic). Podètz legir ma contribucion occitanista (pseudò : garric); Question : De que faire per aquelas feministas totalament ignorantas de las avançadas de la civilizacion occitana ?
8 de Març, jornada di fremas ? E leis autreis jorns de l'an, son leis di mascles ?…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari