D’escambis poetics se tendràn entre Occitània e Quebèc, mercé a l’Aliança (estructura pels escambis entre França e Quebèc). Dins un primièr temps, venguda en residéncia de 4 escrivanas quebequesas del 9 al 23 de julh a Calhavèl (Rasés), puèi viatge d’autors occitans en Quebèc a la tardor. La tòca dels rescontres, en mai dels escambis, serà la publicacion d’un obratge comun bilingüe que la tematica primièra ne serà l’aiga.
Rendètz-vos a Calhavèl, Besièrs e Bram
En mai dels moments d’escritura en comun o individualament, tres tempses de rescontres amb lo public son previstes:
— Un primier rendètz-vos amb lo public es programat lo dissabte 9 de julh, a l’Ostal Occitan de Calhavèl (6, Camin de Ronda) a comptar de 5 oras del vèspre, jos la forma d’un aperitiu poetic amb una charradissa de Carles Peytavie suls catars; de lecturas amb la participacion de Franc Bardòu; un recital de cants occitans amb Sandra Hurtado-Ros e Gerard Zuchetto.
— Un dejunar literari lo dimècres 13 de julh, al CIRDÒC, a Besièrs a 10h e mièja del matin, per la descobèrta, a l’entorn d’un cafè o d’un tè, d’aquesta aventura literària, artistica e culturala en companhiá de las plumas del projècte e amb Joan-Frederic Brun.
— Un rescontre e de lecturas lo diluns 18 de julh a 6 e mièja del vèspre a la Mediatèca de Bram, amb una alternància de tèxtes quebequeses e occitans.
— Un dejunar literari lo dimècres 13 de julh, al CIRDÒC, a Besièrs a 10h e mièja del matin, per la descobèrta, a l’entorn d’un cafè o d’un tè, d’aquesta aventura literària, artistica e culturala en companhiá de las plumas del projècte e amb Joan-Frederic Brun.
— Un rescontre e de lecturas lo diluns 18 de julh a 6 e mièja del vèspre a la Mediatèca de Bram, amb una alternància de tèxtes quebequeses e occitans.
De mai, a Carcassona, las quebequesas vistalharàn l’Ostal de las Memòrias (Centre Joë Bosquet e GARAE) e, de segur, Ciutat.
Quatre quebequesas
Las poetessas participantas del costat quebequés son:
— Corinne Chevarier, autora de 4 rejuntas, participanta al comitat de redaccion de la revista Exit, directritz de las edicions Mains Libres. Es tanben comediana.
— Nancy R. Lange: poetessa, traductritz, jornalista, artista multidisciplinària, organizatritz d’eveniments. A escrit dotze libres publicats en Quebèc, Mexic e Japon.
— Edith Hakimian: poetessa e novelista, redactritz e fargaira de sits web. Ven de publicar sa primièra rejunta À fleur de mots.
— Marie-Pierre Genest: poetessa e artista de la paraula a Montréal, eslamaira e animatritz de talhièrs d’eslam; professora de literatura.
— Nancy R. Lange: poetessa, traductritz, jornalista, artista multidisciplinària, organizatritz d’eveniments. A escrit dotze libres publicats en Quebèc, Mexic e Japon.
— Edith Hakimian: poetessa e novelista, redactritz e fargaira de sits web. Ven de publicar sa primièra rejunta À fleur de mots.
— Marie-Pierre Genest: poetessa e artista de la paraula a Montréal, eslamaira e animatritz de talhièrs d’eslam; professora de literatura.
Vosesd’Occitània
Las fargairas del projècte, del caire occitan, son Maëlle Dupon (autora, viu per ara en Quebèc; ven de publicar Vènus a l’Escorpion cò de Reclams) e Paulina Kamakine (poetessa qu’a concebut l’antologia de la poesia occitana femenina contemporanèa).
A la tardor, Gui Matieu e Terèsa Pambrun traversaràn la Mar Granda.
La concretizacion d’aqueste projècte es deguda al partenariat entre lo PEN Club occitan (branca de l’associacion internacionala dels escrivans), l’associacion RAPPEL Parole-Création (Quebèc) e l’IEO (seccion d’Aude e seccion Occitània-Pirenèus-Mediterranèa).
Alan Roch
 | DUPON, Maëlle. Vènus a l’Escorpion. Reclams, 2022. 196 paginas. 16 èuros. |
 | KAMAKINE, Paulina (coord.) Paraulas de hemnas. Reclams, 2020. 402 paginas. 18 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo projècte es subvencionat pel Consulat de França a Québec.
S'ajustan al programa balhat dins l'article :
-dissabte 16/07, a Calhavèl (20h30, sala de las fèstas) : serada culturala
- dimars 19/07, a la Tuta d'Òc 18h30, (Tolosa) : lecturas.
- divendres 22/07, a Calhau : passejada e restitucion poetica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari