D’independentistas bascos e catalans aluquèron mai de 300 cimas pirenencas la dimenjada passada per revendicar lo drech d’autodeterminacions dels pòbles e atirar l’atencion de la comunautat internacionala. A mai s’aluquèt tanben divèrses puèges de la Sèrra de Tramontana en Malhòrca. Una linha de lum de lantèrnas e lampas de pòcha percorreguèt las cadenas montanhosas dins una manifestacion espectaclosa. An organizat l’eveniment l’Assemblada Nacionala Catalana (ANC), l’Assemblada Sobeiranista de Malhòrca (ASM), la Federacion d’Entitats Excursionistas de Catalonha (FEEC), l’organitzacion basca Gure Esku Dago (Es entre Nòstras Mans).
 
Los parladisses de totas las associacions se tenguèron dins la vila catalana de Guils de la Cerdanya. Los representants soslinhèron los ligams istorics entre Catalonha e lo Bascoat, mercegèron los malhorquins per lor sosten e cridèron contra “las frontièras impausadas per la violéncia e l’opression dels estats”.