capçalera campanha

Actualitats

EscòlaPoliticaSocietat

Inegalitat de tractament a las espròvas del brevet pels candidats en lengas minorizadas

En causa d’una indiscrecion dins los rets socials, lo Ministèri de l’Educacion cambièt lo subjècte sonque pels candidats en francés, los autres collegians aurián agut un examen mai dificil

| www.education.gouv.fr

Tèxte legit

Lo brevet, examen de fin del collègi dins l’estat francés, fa tornarmai polemica. Divendres èra lo torn de las espròvas d’istòria-geografia, que l’Educacion Nacionala francesa permet de far tanben en d’autras lengas territorialas dont l’occitan. Pasmens, d’associacions d’ensenhaires denóncian “una inegalitat de tractament” perque lo subjècte de las espròvas en francés èra diferent, e mai aisit, çò rapòrta L’Indépendant.
 
Lo subjècte inicial de l’espròva èra estat indiscretament revelat suls rets socials, e doncas lo ministèri de l’educacion decidiguèt de lo cambiar al darrièr moment, mas solament per l’espròva en francés. Semblariá qu’aquel subjècte de socors l’avián pas traduch en basco ni en occitan ni en breton ni en còrs ni en alemand pels alsacians, çò precisa Le Parisien.
 
Segon l’APLEC, l’associacion dels ensenhaires en catalan, “los subjèctes de socors
existissián tanplan dins la version catalana”, e precisan qu’aquò “o preveson los tèxtes oficials". Per tant, es “incomprensible e inacceptable que l'egalitat de tractament siá pas respectada entre los candidats”.
 
Per Iñaki Lekuona, principal del collègi Piarres Larzabal a Ziburu (Bascoat) “lo subjècte sus lo qual compausèron los candidats en lenga basca èra mai dificil que lo subjècte de secors. Aquò es pas just per eles: certans escolans compausèron amb un subjècte mai facil e d'autres amb un subjècte mai complicat, i a pas d'egalitat”. Lekuona precisa que caliá pas mestrejar lo basco per remarcar la granda diferéncia, gràcias als imatges dels documents.

Tanben la FÈLCO, pels ensenhaires d'occitan, a reagit.
   
 

 

 



abonar los amics de Jornalet

 

Documents

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Serge Fonsòrba
1.

Pòdi vos parlar del nivèl del subjècte en Istòria-geografia. L'an que vèn, podèm lor donar directament las responsas, anarà mai viste.

  • 6
  • 0

Escriu un comentari sus aqueste article