Actualitats
Jèp de Montoya elegit president der Institut d’Estudis Aranesi-Acadèmia Aranesa dera Lengua Occitana
Que pren eth relèu de Jusèp Loís Sans dempús de 8 ans ena presidéncia dera institucion
Tèxte legit
Er escrivan Jèp de Montoya a estat elegit ara unanimitat nau president der Institut d’Estudis Aranesi-Acadèmia Aranesa dera Lengua Occitana, ena amassada plenièra qu’auec lòc dissabte passat. Montoya pren eth relèu de Jusèp Loís Sans dempús de 8 ans ena presidéncia dera institucion.
“Aguesti 8 ans de mandat an estat, entà jo, ua experiéncia completa e satisfasenta, enes qu’è procurat servir ara identitat e ath país, ara Val d’Aran, a Occitània e a Catalonha”, çò diguec Sans.
S’elegic tanben a Angelina Cases coma vicepresidenta e a Ròsa Salgueiro coma secretària. Lourdes España que hè tanben partida deth conselh der IEA-AALO. Miquèu Segalàs serà eth president dera seccion aranesa, e Claudi Balaguer president dera seccion d’occitan estandard.
Er Institut d’Estudis Aranesi-Academia Aranesa dera Lengua Occitana ei era autoritat dera lengua occitana ena Val d’Aran e en Catalonha, arreconeishuda pera Generalitat de Catalonha, e sa tòca ei er estudi dera lengua e er establiment dera nòrma, “cossent damb es principis dera Gramatica occitana de Loís Alibèrt e es Nòrmes ortografiques der aranés, coma part integranta der espaci lingüistic e culturau occitan”.
“Aguesti 8 ans de mandat an estat, entà jo, ua experiéncia completa e satisfasenta, enes qu’è procurat servir ara identitat e ath país, ara Val d’Aran, a Occitània e a Catalonha”, çò diguec Sans.
S’elegic tanben a Angelina Cases coma vicepresidenta e a Ròsa Salgueiro coma secretària. Lourdes España que hè tanben partida deth conselh der IEA-AALO. Miquèu Segalàs serà eth president dera seccion aranesa, e Claudi Balaguer president dera seccion d’occitan estandard.
Er Institut d’Estudis Aranesi-Academia Aranesa dera Lengua Occitana ei era autoritat dera lengua occitana ena Val d’Aran e en Catalonha, arreconeishuda pera Generalitat de Catalonha, e sa tòca ei er estudi dera lengua e er establiment dera nòrma, “cossent damb es principis dera Gramatica occitana de Loís Alibèrt e es Nòrmes ortografiques der aranés, coma part integranta der espaci lingüistic e culturau occitan”.
Jèp de Montoya a estat escuelhut, per unanimitat, President der Institut d'Estudis Aranesi-Acadèmia aranesa dera lengua occitana https://t.co/QGe9JR1wLW
— IEA - AALO (@academiaaranesa) July 3, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Felicitats a Jèp.
Segur que serà un bon President.
Non ei bric facil de trapar a quauquarrés qu'age hèt tant peth nòste País.
Tà quan un reconeishement public ad'aguest omenàs??
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari