capçalera campanha

Actualitats

InternacionalPoliticaSocietat

Ski Lanka: los manifestants an pres lo palais presidencial e an tombat lo govèrn

L’illa patís sa crisi economica pus grèva après l’independéncia del Reialme Unit en 1948

Tèxte legit

Las protèstas antigovernamentalas de Sri Lanka an fach cabussar lo president, Gotabaya Rajapaksa, e lo primièr ministre, Ranil Wickremesinghe. Après qualques meses de protèstas antigovernamentalas a causa de la crisi qu’escana lo país, de milièrs d’assalhidors prenguèron dissabte lo palais presidencial e l’incendièron. Lo president Rajapaksa foguèt evacuat per de militars e ara degun sap pas ont se tròba. Lo president del parlament de Sri Lanka anoncièt que Rajapaksa voliá demissionar dimècres que ven per evitar un banh de sang e que seriá remplaçat per interim. Lo quite president del parlament prendrà sas foncions pendent 30 jorns dins los quals la cambra deurà elegir un nòu cap d’estat . De son latz, Wickremesinghe a dich que demissiona per favorir la creacion d’un govèrn d’union nacionala.
 
Sri Lanka, una illa d’aperaquí 22 milions d’abitants, patís la crisi economica pus grèva de son istòria après l’independéncia del Reialme Unit en 1948, amb una penúria de combustibles fossils, d’electricitat, de noiridura e de medicaments. A l’ora d’ara l’inflacion es de gaireben lo 55% e las previsions la situan al 70% dins los meses avenidors. Tanben lo país subís de panas electricas constantas.
 
Fa qualques setmanas, las protèstas avián forçat lo retirament d’un autre primièr ministre, Mahinda Rajapaksa, qu’es lo fraire del president demissionari.
 
La question que se pausa ara es de saber çò que se passarà amb lo govèrn de Sri Lanka, que fa qualques jorns negociava amb lo Fons Monetari Internacional (FMI) un salvament de l’economia de 3 miliards de dolars.
 
 
   
 
abonar los amics de Jornalet

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

pierre lachaud
1.

Lo fonds monetari internacional aparait totjorn per far lo salvador. Mas a qual pritz?
La deta augmenta e los estats se tròban dependre de la politica financiera mondiala.
Tot aquò se passa pas e se passera pas en França perque en França e per Jornalet sem au-dessus de tot aquò.

  • 0
  • 7

Escriu un comentari sus aqueste article