Actualitats
Uber s’es installada en Euròpa amb de metòdes brutals e illegals
Una enquista publicada per The Guardian revèla que de politicians importants coma Macron e de membres de la Comission Europèa ajudèron en secret l’entrepresa estatsunidenca
Tèxte legit
Uber s’es installada en Euròpa amb de metòdes brutals e illegals, çò demòstra una vasta enquista publicada per The Guardian dimenge passat. Los diches “Uber Files” contenon mai de 124 000 documents analisats per 180 jornalistas de 44 mèdias que fan partida del Consòrci Internacional dels Jornalistas d’Investigacion (ICIJ, segon la sigla en anglés).
La societat Uber es una entrepresa tecnologica estatsunidenca que desvolopa e esplecha d’aplicacions mobilas de mesa en contacte d’utilizaires amb de menaires qu’efectuan de servicis de transpòrt. S’es installada dins las principalas vilas d’Euròpa après una campanha fòrça agressiva, e ara se ven de demostrar qu’o faguèt amb l’ajuda de politicians de primièr nivèl. Los Uber Files son datats d’entre 2013 e 2017, que son las annadas qu’Uber s’installèt en Euròpa.
De messatges de tèxt personals entre Emmanuel Macron e d’executius d’Uber revèlan cossí operèt la companhiá estatsunidenca en França. Emmanuel Macron, qu’èra alavetz ministre de l’economia, s’amassèt amb de caps d’Uber secretament mai d’un còp. Tanben o faguèt Neelie Kroes, vicepresidenta de la Comission Europèa, qu’en 2016 venguèt presidenta del Conselh d’Assisténcia de las Politicas Publicas d’Uber. Pasmens, l'actual cancelièr alemand, Olaf Scholz, resistiguèt a las pressions d’Uber e defendèt que los menaires devián èsser pagats amb un salari digne.
“Sèm de filhs de puta d’illegals”
L'estrategia d’Uber èra de s’installar dins divèrsas vilas sens complir la legalitat d’afrontar los taxistas mentre que cercava lo sosten dels govèrns. Après provocar de protèstas dins lo sector del taxi, profechavan de la violéncia que patissián de part dels taxistas los menaires d’Uber per se presentar coma de victimas.
Aital o admet la quita societat. Dins un dels documents un naut responsable reconeis que son venguts de “piratas” del temps qu’un autre o reconeis en disent: “Sèm de filhs de puta d’illegals”. Encara un autre assegura que cal “abraçar lo caos”.
Los diferents sits europèus avián un “boton de panica” per se desconnectar del serveire de la societat en cas de perquisicion policièra. Aquel “boton de panica” s’empleguèt mai d’un còp dins almens 6 païses.
Dins aqueles documents, la societat reconeis que provòcan de violéncias per puèi o far servir a lor profièch. Un cap d’Uber de Belgica declara que la violéncia en França aviá portat l’afar dins lo camp de la regulacion.
Uber quitèt Barcelona en 2019 a causa de las fòrtas protèstas dels taxistas e après que lo govèrn de la Generalitat aguèt establit una nòrma que la voliá pas seguir la companhiá estatsunidenca. Tornèt en 2021 e lo sector del taxi se tornèt mobilizar.
Ajudar los govèrns a desvolopar de leis e de nòrmas
De son caire, Uber declarèt dimenge que demandariá pas excusa per son “passat”. Argumentan que, quand comencèron, i aviá pas cap de legislacion sus la location de servicis de menaire per mejan del telefòn mobil. Per tant, asseguran que lor calguèt trabalhar amb los govèrns per los ajudar a desvolopar de leis e de nòrmas que regulèsson aqueles nòus servicis.
La societat Uber es una entrepresa tecnologica estatsunidenca que desvolopa e esplecha d’aplicacions mobilas de mesa en contacte d’utilizaires amb de menaires qu’efectuan de servicis de transpòrt. S’es installada dins las principalas vilas d’Euròpa après una campanha fòrça agressiva, e ara se ven de demostrar qu’o faguèt amb l’ajuda de politicians de primièr nivèl. Los Uber Files son datats d’entre 2013 e 2017, que son las annadas qu’Uber s’installèt en Euròpa.
De messatges de tèxt personals entre Emmanuel Macron e d’executius d’Uber revèlan cossí operèt la companhiá estatsunidenca en França. Emmanuel Macron, qu’èra alavetz ministre de l’economia, s’amassèt amb de caps d’Uber secretament mai d’un còp. Tanben o faguèt Neelie Kroes, vicepresidenta de la Comission Europèa, qu’en 2016 venguèt presidenta del Conselh d’Assisténcia de las Politicas Publicas d’Uber. Pasmens, l'actual cancelièr alemand, Olaf Scholz, resistiguèt a las pressions d’Uber e defendèt que los menaires devián èsser pagats amb un salari digne.
Travis Kalanick (dirigent executiu d’Uber): Nos podèm fisar de Caz(eneuve)?
Macron: Aguèrem una reünion ièr amb lo primièr ministre. Cazeneuve farà calar los taxis e ieu reünirai totòm la setmana venenta per preparar la reforma e la bona lei. Caz accèpta l’acòrdi. Quora seretz a París vos?
Macron: Aguèrem una reünion ièr amb lo primièr ministre. Cazeneuve farà calar los taxis e ieu reünirai totòm la setmana venenta per preparar la reforma e la bona lei. Caz accèpta l’acòrdi. Quora seretz a París vos?
“Sèm de filhs de puta d’illegals”
L'estrategia d’Uber èra de s’installar dins divèrsas vilas sens complir la legalitat d’afrontar los taxistas mentre que cercava lo sosten dels govèrns. Après provocar de protèstas dins lo sector del taxi, profechavan de la violéncia que patissián de part dels taxistas los menaires d’Uber per se presentar coma de victimas.
Aital o admet la quita societat. Dins un dels documents un naut responsable reconeis que son venguts de “piratas” del temps qu’un autre o reconeis en disent: “Sèm de filhs de puta d’illegals”. Encara un autre assegura que cal “abraçar lo caos”.
Los diferents sits europèus avián un “boton de panica” per se desconnectar del serveire de la societat en cas de perquisicion policièra. Aquel “boton de panica” s’empleguèt mai d’un còp dins almens 6 païses.
Dins aqueles documents, la societat reconeis que provòcan de violéncias per puèi o far servir a lor profièch. Un cap d’Uber de Belgica declara que la violéncia en França aviá portat l’afar dins lo camp de la regulacion.
Uber quitèt Barcelona en 2019 a causa de las fòrtas protèstas dels taxistas e après que lo govèrn de la Generalitat aguèt establit una nòrma que la voliá pas seguir la companhiá estatsunidenca. Tornèt en 2021 e lo sector del taxi se tornèt mobilizar.
Ajudar los govèrns a desvolopar de leis e de nòrmas
De son caire, Uber declarèt dimenge que demandariá pas excusa per son “passat”. Argumentan que, quand comencèron, i aviá pas cap de legislacion sus la location de servicis de menaire per mejan del telefòn mobil. Per tant, asseguran que lor calguèt trabalhar amb los govèrns per los ajudar a desvolopar de leis e de nòrmas que regulèsson aqueles nòus servicis.
The leak contains personal text messages between Emmanuel Macron and Uber execs, revealing how he secretly helped the Silicon Valley's lobbying operation in France. https://t.co/UgngFyBQ2C
— Paul Lewis (@PaulLewis) July 10, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Pòdes creire ! Se passarà pas res, coma de costuma.
Nos los consomators avem l'art de far la politica espectacle. La multinacionaa Uber fai sa lei dins los estats e nòstras aplaudissen? Quauque part avem pas prengut la defensa daus taxis o de l'informatica.
Mas Uber lava pus blanc que blanc e z'avem aceptat tot simplament perque Uber e pas solament ela, utilisa de las metòdas pas tròp claras : corupcion politica e mediatica, publicitat messonjiera qu'elimina la ponhada d'opausants.
En politica i va i aver daus règlaments de compte tant per Macron que per la Nupes. Un scandale en apela un autre et un autre. l'abcès eclata e qu'es una bona causa.
Suspresa generala : las societats capitalistas hèn gasanha dambe los politicians ! Es una descobèrta, aquò ! Los "oligarcas" existissen pas qu'en Russia ? Aqueste mot es emplegat pas que per aqueste país. N'i aurén tanben en çò nòste ? Incresible ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari