Actualitats
Se presenta la bandièra pirenenca
“Volèm superar lo concèpte de bandièra d’un estat, un país o una region, e far que venga lo simbòl d'un territòri, los Pirenèus, e d'una actitud de proposicion per la cadena montanhosa e sos abitants”
Se ven de presentar la bandièra pirenenca. Es a partir d’una idèa de David Reguant, ciutadan del vilatge de Llavorre —al país catalan del Palhars Sobeiran— que los vexilològs Jordi Avià e Joan Marc-Passada an creat un drapèl que definisson coma “transestatal, transnacional, transmaritim e sustot transpirenenc”. Ara son en fasa de difusion del projècte.
Avià e Passada an assabentat de lor projècte la redaccion de Jornalet:
De son latz, David Reguant, conta l’origina de l’idèa:
En mai d’aquò, avèm ja vist brandar aquel drapèl dins la vila aranesa de Bausen (Quate Lòcs) e n’avèm parlat amb Lúcia Mas:
Avià e Passada an assabentat de lor projècte la redaccion de Jornalet:
“Nòstra tòca non es pas que venga una bandièra oficiala, volèm superar lo concèpte monolitic de bandièra associada a un estat, un país o una region, e far que venga, per contra, lo simbòl d'un territòri, los Pirenèus, e d'una actitud de proposicion per la cadena montanhosa e de sos abitants”.
"La bandièra pirenenca representa, saique, una utopia. Un senhal que jonh de pòbles e de païsatges, mas sens qu’eles se vejan obligatòriament folcloritzats, los unes, o ipertoristificats, los autres."
De son latz, David Reguant, conta l’origina de l’idèa:
“Tot comencèt de la montanha estant, en imaginant las montanhas vistas de la mar, incendiadas per renovelar los pasturatges e los netejar, fa créisser l’èrba mai espessa e fòrta. D’aquí ven lo roge del cèl. Es una practica comuna de totas las comunautats de pastres long de la cadena montanhosa e qualques unes creson, quitament, que l’origina del mot Pirenèu ven del grèc πῦρ [pyr] (fuòc) [...] La luna plena es lo simbòl de la lutz dins l’escuritat e Vènus, aquela estela tant del jorn coma de la nuèch. Los quatre braces de l’estela simbolizan las quatre culturas ancestralas que se partejan lo massís, e se cèrca d’explicar que son de montanhas que fargan un caractèr meravilhosament similar d'adaptacion a l’environament. I a tanben una referéncia cromatica a las desparièras bandièras de las quatre nacions. Per aquela rason e perque cresi a una identitat pirenenca que travèrsa las frontièras politicas, tròbi fòrça pertinent de nos dotar d'aquel pichon gèst d'afirmacion comuna.
En mai d’aquò, avèm ja vist brandar aquel drapèl dins la vila aranesa de Bausen (Quate Lòcs) e n’avèm parlat amb Lúcia Mas:
“Era idèa d'ua bandèra pirenenca me semble plan pertinenta. Son es montanhes que protegissen es lengües e cultures ancestraus. Non auem agut ua cançon dera Mar Mediterranèa ara Mar Grana e interpretada per cantaires ben diuèrsi? Podem auer ues colors e uns dessenhs que considerem coma pròpris... encara que sigue de creacion recenta.
De Bausen estant se gaudís, ath hons der orizont, dera Maladeta... e se ven tres tucs, coma ena bandèra... eth tuc deth centre qu’ei er Aneto! Aguesta bandièra, en Bausen, se materialize. Ei reau. Ei çò que se ve de casa mia!"
De Bausen estant se gaudís, ath hons der orizont, dera Maladeta... e se ven tres tucs, coma ena bandèra... eth tuc deth centre qu’ei er Aneto! Aguesta bandièra, en Bausen, se materialize. Ei reau. Ei çò que se ve de casa mia!"
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Irresistiblament, aquò fa pensar a França que ne commemorèrem la fèsta nacionala pel 14 de julhet.
Jos una meteissa bandièra, blau, blanc, roge, un fum de regions amb de tradicions e de lengas diferentas se recampan per far nacion, e finisson per se revertar.
Òsca a l’amistat, mas pas tròpes drapèus çaquelà, car son d’aisinas dangeirosas, segon l’usatge que n’es fach ; per çò que n’i a pas de bons e d’autres de missants.
Cadun espèra son ora per far lusir sas dents… quitament dins un estadi de fotbòl.
I a fòrça drapèus dins Jornalet, deurián los foscar o los camaisar tot còp.
En cròi, lo drapèu designa l’estrangièr, lo que podèm pas endurar, lo que cal tuar.
Que muisha qu'ei possible d'aver un ''país'' dab mantuas lengas au dehens.
Los pirineens une comunautat que se pren en chargea ela-mesma? E si fasian parier per lo Massif-Cental? e par la plana que vai de Bordeu a Niça. Tot aquò per fin de crear una unitat occitana pas solament culturala mas tanben economica.
Lo sud de França que se desvelha e que tròba una unitat? 12 seglas que França a decopat lo territori de l'exagòne segond lo partaja dich lotaringian. E ben aura decopan lo en dins lo sens orizontal. Apres tot de la Normandia a l'alsaça i a una plane facha per los frances que pòd se prolonjar tres qu'en-z-a Mosco.
Lo Massif Centrau es obligeat de comptar sur lo developament dau sud que la relacion se fan pas emben los nòrd. França contorna lo Masif-Centrau mas l'integra pas dins son devlopament economic.
#1
La question pausada, independentament del biaish que siá pausada, s'amerita, al mieu punt de vista, d'èsser presa en compte e tractada seriosament. Pausa un problèma de fons evident que pòt pas èsser desligat, me pensi, del trabalh militant e "sacrificial" dels que s'entrèva de Jornalet desempuèi la sieu creacion e qu'an pas ni le temps ni mès les mejans de tractar, cada jorn, de tota l'actualitat, fusquèssa importanta, de las tèrras occitanas, dels Alps a la Mar granda e de la Marcha als Pirenèus.
D'autra part, me pensi pas que se pòsca opausar una actualitat contra una autra, encara que, al segur, poscam jutjar, personalament, que tala o tala informacion es mès importanta que tala o tala autra.
Dit aquò, e precisament i pensèri ieu meteish, dasièr, en relacion amb l'incendi de la Lana e totas aquelas ectaras cremadas, me demandàvai se, s'apiejant sus la ret de "l'occitanisme" se poiriá pas crear un grop identificat de correspondents "locals" que s'encargarián d'informar, seriá pas que brèvament, d'eveniments importants coma aquelis fòcs que creman una part del país. Amb le risc d'aver tròp d'informacions, fin finala?
E tanplan, talas informacions, poirián èsser mesas a la "Una" e prene plaça demest las opinions.
Mas segur qu'es totjorn facil de prepausar.
E òc. Jornalet se chepica mei de vexilològia que de 3000 ha cramats dens la lana.
Rai, un còp mei anirèi lugir Sud Ouest ende las informacions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari