A començat lo Festen’Òc de Saurat amb mai de vam que jamai. L’eveniment d’aquel petit vilatge de Savartés es vengut lo festenal occitan de referéncia, ont se viu una occitanitat festiva naturala e se parla la lenga. Es un eveniment transversal de quatre jornadas ont se mesclan de militants occitans, d’alternatius, de festejaires, d’amoroses de danças, d’aimadors de convivéncia, de joves e e de mens joves.
 
Ongan, lo programa es impressionant. D’obradors, de conferéncias, de balètis, de teatre e de concèrts dont podèm soslinhar Lou Dalfin, Brancaleone, Alidé Sans o quitament Goulamas’K entre plan d’autras formacions.
 
 
Jornalet i serem
 
Lo ric programa, que podètz trobar sus aqueste ligam, compren una presentacion de Jornalet e de son foncionament de la man de Joan Marc Leclercq.
 
Per mai d’informacion podètz vesitar lo sit web del festenal e tanben sas paginas Twitter e Facebook.