capçalera campanha

Actualitats

Environament
crotz-tolosaCreated with Sketch.GuianaBordalés

Tres incendis son a devastar Medoc, la Grava de Bordèu e lo País de Bug

Gaireben 4000 ectaras se son cremadas de las forèstes de Landiràs e la Tèsta de Bug

| SDIS33

Tèxte legit

Los tres incendis que los patisson Medoc, la Grava de Bordèu e lo País de Bug, près de la duna del Pilat e la plaja de Biscarròssa, son tot un desastre ecologic per las Lanas. Gaireben 4000 ectaras se son cremadas de las forèstes de Landiràs e la Tèsta de Bug e environ 6500 personas son estadas evacuadas, sustot de campings. Los fuòcs se pòdon quitament veire d’un satellit estant.
 
Mai 600 pompièrs, ajudats per de mejans aerians, son mobilizats per amortar dos dels incendis totjorn menaçants. Lo ministre francés de l’Interior, Gérald Darmanin, es anat sus plaça per supervisar l’avançada del fuòc e lo trabalh dels pompièrs.
 
Las Lanas son en alèrta iranja per l’èrsa de calor que, segon las previsions, arribarà dissabte a son maxim. Dins la region dels incendis son previstas de temperaturas de fins a 32oC per uèi e de 37oC deman dissabte. Sèt departaments son en alèrta iranja, e dètz en alèrta jauna.
 
Per seguir l’actualitat dels incendis, recomandam lo dirècte de Sud-Ouest.
 
 
 
 
 
 

abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Pitaluga
1.

D'anecdòtas a bodre sus cossí escapar del fuòc, los que vòlon pas abandonar l'ostal a tot pèrdre, lo tipe en veitura que travèrsa l'incendi del dos costats de la rota (estil blockbuster) e gaireben pas res sus l'antropocèn, causa d'aqueles desrèglaments.
Sèm pas prèstes de sortir del merdièr ecologic.

  • 8
  • 0

Escriu un comentari sus aqueste article