Lo govèrn alemand aprovèt dimècres passat de tornar far operar las centralas electricas amb de carbon e petròli per tal d’estalviar de gas. Aital, dempuèi dijòus, aqueles sits barrats per de rasons environamentalas son tornarmai operatius.
 
“Volèm estalviar de gas ara que sèm en estiu per fin d’emplir nòstres depauses per l'ivèrn”, çò diguèt lo ministre de l’economia e vicecancelièr, Robert Habeck. “Aital refortissèm las precaucions e nos protegissèm fàcia a una agravacion de la situacion actuala dins lo mercat energic”, çò apondèt en tot conclure que la tòca d’abandonar completament lo carbon en 2030 es totjorn en vigor.