Actualitats
Macron avertís de talhadas d’electricitat e del retorn del servici militar
Aquelas mesuras son possiblas en cas d’interrupcion totala de provesiment de gas rus
Tèxte legit
Lo president francès, Emmanuel Macron, avertiguèt dijòus que lo país èra prèst per una talhada totala del provesiment de gas rus, e diguèt als ciutadans que s’afanèsson a estalviar d’energia, e mai que se preparèsson a la fin de l’esclairatge public de nuèch.
Dempuèi que l’Union Europèa refusèt la mesa en foncionament del gasoducte Nord Stream 2 e infligiguèt de sancions a Russia, aquesta a fòrça demesit sa distribucion de gas devèrs Euròpa.
En mai d’aquò, Macron exprimiguèt tanplan la possibilitat que lo servici militar tornèsse èsser obligatòri.
Se las vilas son tornarmai foscas durant las nuèches, es possible qu’aumente la criminalitat, que s’impause en reaccion un cobrifuòc e que se viòle, fin finala, las libertats individualas.
Dempuèi que l’Union Europèa refusèt la mesa en foncionament del gasoducte Nord Stream 2 e infligiguèt de sancions a Russia, aquesta a fòrça demesit sa distribucion de gas devèrs Euròpa.
En mai d’aquò, Macron exprimiguèt tanplan la possibilitat que lo servici militar tornèsse èsser obligatòri.
Se las vilas son tornarmai foscas durant las nuèches, es possible qu’aumente la criminalitat, que s’impause en reaccion un cobrifuòc e que se viòle, fin finala, las libertats individualas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Sabiái pas que l’occitanisme èra compatible amb lo nacionalisme francés, imperialista que se ditz republica. Cal arrestar de prene lo mond per de colhons !
"Se las vilas son tornarmai foscas durant las nuèches, es possible qu’aumente la criminalitat"
Es plan bona aquesta! lo ligam entre la nuèch, l'escuretat e la criminalitat. Es la version pels "adultes" de la paur del lop pels pichons.
Avètz remarcat que la criminalitat a demesit dempuèi que las vilas son esclairadas de nuèch coma en plen jorn? Non? Avètz remarcat que los endreches mai escurs son los que concentran la criminalitat? Non?
Entre nosautres, lo criminal a autant (e benlèu mai) besonh de lum que sa victima. Anèm, basta. Es evident que cal arrestar aquesta despensa d'esclairatge de nuèch que non solament servis pas a grand causa, mas en mai empacha de veire la lutz vertadièra de la luna e de las estèlas e géina los astronòmes e la fauna nocturna.
Governar per la paur, la terror es previst dempuei longtemps per aquel governament. Qué de mielhs qu'una guerra, una pandemia per prener de las mesuras ilegitimas au nom de l'urgença que dura, que dura?..
Chau pas talement comptar sur los deputats que se brejan per un ren pusleu que d'afrontar los vertardiers problems : economics, financiers, deta publica, desbat democratic..; Podan pas comptar non pus sur los medias los pus importants ni sur los sindicats.
Tot lo monde se tait per lo moment mas pas grand monde per creire enguera a d'aquel governament. Se sentan frustrats, traïts.
Preparan-nos a una alternativa economica, sociala, educativa, culturala, sanitaria que se fara sur lo terren e non pus a partir d'elites que jamai son anats sur lo terren, tot en botanr en avant nòstras revendicacion occitanistas sens tombar dins una opausicion de front aus frances (donc aus occitans). Lo terren vai reclamar la França avant de la far autrament.
L'armada es benleu la pus conscienta de la nocivitat d'aquel governament. Coneis totas las tecnologias utilisadas que siajan bacteriologicas, informaticas, tecnologicas o autras e sab qu'es urgent de botar en plaça una etica.
La possibilitat que le servici (del latin "servus", esclau) militar torne obligatòri : d'aquesta an d'esclavatge, al servici d'una tropelada de braus mespresoses e inics, i soi dintrat scientific e menfotista, e ne soi sortit occitanista, naarquista e literari, del tant que m'i èri sentoit injustificablament umiliat e maltractat.
Pels cobrifòcs e autres violacions de las libertats individualas e publicas, non an pas agut besonh de la manca de gaz per los nos far endurar, fa plan pauc. Aquí una promessa politica de plan bon téner !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari