Actualitats
Covid-19: l’OMS avertís d’una davalada e d’un ivèrn complicats
L’aflaquiment de las mesuras de prevencion e la rapida creissença dels cases ne serián las rasons
Tèxte legit
Segon l’Organizacion Mondiala de la Santat (OMS), la davalada e l’ivèrn seràn complicats a causa de la covid-19. L’aflaquiment de las mesuras de prevencion e la rapida creissença dels cases ne serián las rasons. Per tant, dins un comunicat publicat dimars demanda que los govèrns aumenten lo contraròtle de l’evolucion del virus.
En mai d’aquò, l’OMS a presentat una estrategia per conténer lo virus amb cinc ponches clau: aumentar la populacion vaccinada, administrar de dòsis de refortiment a la populacion vulnerabla e lors contactes estreches, promòure lo pòrt de la masca dins los espacis barrats e los transpòrts en comun, airejar los espacis publics e far “de protocòls terapeutics rigoroses” per la populacion de risc.
Delà aquelas mesuras tanben recomanda de far créisser la capacitat dels laboratòris per s'assegurar d’una rapida deteccion de la covid e d’un rapid contraròtle de las variantas.
Aquestas darrièras setmanas, en Euròpa lo nombre de cases de covid-19 s’es multiplicat per tres e lo nombre d’espitalizats s’es doblat. A l’ora d’ara, totjorn segon l’OMS, Euròpa enregistra environ 3000 mòrts setmanièrs per covid-19.
En mai d’aquò, l’OMS a presentat una estrategia per conténer lo virus amb cinc ponches clau: aumentar la populacion vaccinada, administrar de dòsis de refortiment a la populacion vulnerabla e lors contactes estreches, promòure lo pòrt de la masca dins los espacis barrats e los transpòrts en comun, airejar los espacis publics e far “de protocòls terapeutics rigoroses” per la populacion de risc.
Delà aquelas mesuras tanben recomanda de far créisser la capacitat dels laboratòris per s'assegurar d’una rapida deteccion de la covid e d’un rapid contraròtle de las variantas.
Aquestas darrièras setmanas, en Euròpa lo nombre de cases de covid-19 s’es multiplicat per tres e lo nombre d’espitalizats s’es doblat. A l’ora d’ara, totjorn segon l’OMS, Euròpa enregistra environ 3000 mòrts setmanièrs per covid-19.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'OMS juga sas darrieras cartas. Menaça, menaça, menaça d'una pandemia qu'exista pas (covid 19), d'autras a venir (picòta dau monard), coma si la pandemia podia se fabricar sur damanda. Totjorn mai de laboratoris que Putin a esbolhat en Ukraina, totjorn mai de confinament, de decisions prengudas au nom de l'urgença que dura, que dura... de violacion du dreit nacionau , europeen e internacional, emben interdiccion de tot autra mdecina qu'aquela de l'OMS.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari