Actualitats
Veneçuèla fa sos adieus a Chávez mentre que prepara de nòvas eleccions
Uèi se debanan las funeralhas d’estat. Una granda mutitud acompanhèt lo transferiment del còrs, dimècres passat, de l’espital fins a l’Acadèmia Militara
Lo govèrn veneçolan a decidit que las funeralhas d’estat en memòria d’Hugo Chávez se debanen uèi, 8 de març a dètz oras (ora locala), dins l’Acadèmia Militara, segon çò que diguèt lo ministre dels Afars Estrangièrs, Elías Jaua. Lo còrs de Chávez i foguèt menat dimècres de tantòst, dintre una fola de veneçolans que li volián far sos adieus. S’es decretat tanben sèt jorns de dòl oficial e uèi i a pas cap d’activitat escolara.
Segon la constitucion veneçolana, après la mòrt del president es previst que se convòque d’eleccions abans trenta jorns. Mentretant, lo vicepresident, Nicolás Maduro, prendrà en carga lo poder en seguissent la volontat de Chávez. Ça que la, la constitucion prevei que siá lo president del parlament, a l’ora d’ara Diosdado Cabello, que prenga en carga la presidéncia per interim.
Las fòrças armadas se son desplegadas per garentir la seguretat, segon lo cap del Comandament Estrategic de las Operacions, lo General Wilmer Barrientos. Prèviament, lo ministre de la Defensa, Diego Molero, aviá fach una crida a l’unitat de las fòrças armadas e aviá assegurat que serián leialas al govèrn e al parlament veneçolan. Atanben, aviá anonciat lo desplegament de las tropas “per garentir la sobeiranetat e far complir la constitucion”.
Lo vicepresident, Nicolás Maduro, informèt sus la mòrt d’Hugo Chávez dins una comparucion emesa en dirècte per la ràdio e la television veneçolanas dempuèi l’Espital Carlos Arvelo, a Caracas, ont moriguèt lo “Comandante”.
“Lo respècte e la patz devon caminar ensems. Nosautres cridam totes los compatriòtas a èsser los gardians de la patz, del respècte, e assumissèm las pregàrias e lo projècte del Comandant Hugo Chávez”, çò diguèt Maduro. “Serem los dignes eiretièrs d’un òme gigant, coma foguèt, e coma serà totjorn quand òm se remembrarà del Comandant Chávez. Es un moment de dolor prigonda”.
Qualques oras après aquel anonci, de milièrs de veneçolans sortigèron per las carrièras de Caracas per se remembrar e far un omenatge a Hugo Chávez.
Segon la constitucion veneçolana, après la mòrt del president es previst que se convòque d’eleccions abans trenta jorns. Mentretant, lo vicepresident, Nicolás Maduro, prendrà en carga lo poder en seguissent la volontat de Chávez. Ça que la, la constitucion prevei que siá lo president del parlament, a l’ora d’ara Diosdado Cabello, que prenga en carga la presidéncia per interim.
Las fòrças armadas se son desplegadas per garentir la seguretat, segon lo cap del Comandament Estrategic de las Operacions, lo General Wilmer Barrientos. Prèviament, lo ministre de la Defensa, Diego Molero, aviá fach una crida a l’unitat de las fòrças armadas e aviá assegurat que serián leialas al govèrn e al parlament veneçolan. Atanben, aviá anonciat lo desplegament de las tropas “per garentir la sobeiranetat e far complir la constitucion”.
Lo vicepresident, Nicolás Maduro, informèt sus la mòrt d’Hugo Chávez dins una comparucion emesa en dirècte per la ràdio e la television veneçolanas dempuèi l’Espital Carlos Arvelo, a Caracas, ont moriguèt lo “Comandante”.
“Lo respècte e la patz devon caminar ensems. Nosautres cridam totes los compatriòtas a èsser los gardians de la patz, del respècte, e assumissèm las pregàrias e lo projècte del Comandant Hugo Chávez”, çò diguèt Maduro. “Serem los dignes eiretièrs d’un òme gigant, coma foguèt, e coma serà totjorn quand òm se remembrarà del Comandant Chávez. Es un moment de dolor prigonda”.
Qualques oras après aquel anonci, de milièrs de veneçolans sortigèron per las carrièras de Caracas per se remembrar e far un omenatge a Hugo Chávez.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
aubora te raça latina sota la capa dau solèu...à la vista de totei aquelei pobles d'america latina que comuniavan dins la dolor e lo regret de Chavez, pensavi an aquelei vers celebres de Mistral e à Rogier Barthe que foguèt lo teorician de la latinitat, que serià uros e ravit de vèire vuei la butada dei latinos ais Estats-Units e 'aqueu moviment deis estats que tende à l'unitat ço que serià estat l'ideal de Bolivar, mai aquo ei pas segur. a mirar Telesur que dempuèi sa mort nos parla nuech e jorn del comandante, podèm que constatar una culta de la personalitat comparar an aqueu de la Corèa dau Nord, ambe la bonomia latina e sensa la bomba atomica. a portar au crèdit de Chavez que s'es agut servit de son petrola pèr noirir e alotjar son poble e a l'alfabetisar, à raport de son amic arabe Khadafi e d'autrei,que se son acontentats de se servir e de crompar d'armas e de tiranizar lo poble, ei verai que Chavez èra crestian e leis autres musulmans
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari