Detenguèron divendres passat en Armanhac sièis militants ecologistas del collectiu Darrièra Renovacion per aver interromput lo passatge del Torn de França entre los vilatges de Bocanhèras (País d’Aush) e Autarriba (Lomanha). Lo peloton foguèt arrestat qualques minutas dins la 19a estapa de la competicion esportiva en direccion de Caors. L’accion dels ecologistas exigís la renovacion energetica de totes los ostals en situacion de precarietat (aquò pertòca 12 milions d’abitants) d’aicí a 2030 e que se reduga las emissions de gases d’efièch de sarra, çò rapòrta Reporterre. Seràn jutjats davant lo tribunal correccional d’Aush per entrava a la circulacion de veïculs, segon  La Dépêche.
 
Lo 17 de junh passat, n’arrestèron quatre a Blan (Lauragués) qu’avián tanplan ensajat d’interrompre la corsa cicilista. Seràn jutjats en decembre a Castras per entrava a la circulacion e mesa en perilh de la vida d’autrú, çò raportèt La Dépêche. Èra pas lor primièra accion contra lo Torn de França.
 
Lo collectiu Darrièra Renovacion asseguran que l’inaccion del govèrn “condemna los franceses a patir d’èrsas de calor extrèma, de faminas de massa e de massacres”, e planh “l’abséncia d’un projècte de lei sus la renovacion energetica dels bastiments, qu’es aitan mai necessària dins lo contèxt de la guèrra en Ucraïna”. Per aquela rason asseguran que contunharàn “de perturbar lo foncionament normal del país, de sas infrastructuras e de sas competicions esportivas”.
 
Lo collectiu espeliguèt a la debuta de 2022 per exigir del govèrn de França aquel engatjament per la renovacion energetica. Lo grop s’es destriat en orquestrant maites blocatges rotièrs, en interrompent un partit de tènis durant lo torneg de Roland Garròs, lo 3 junh passat, e en arrestant lo Torn de França entre Morzine e Genèva lo 12 de julhet. Sas revendicacions son pas brica impopularas, per exemple lo correire canadenc de l’esquipa Grupama-FDJ Antoine Duchesne sostenguèt lo collectiu en fasent de declaracions a L’Équipe; “Vesèm amb las temperaturas qu’arriban que sèm dins una crisi umanitària. Es important que las gents manifèsten per aquò. Avèm totes besonh d’èsser sensibles fàcia a aquò”, çò diguèt.
 
 
 

Où sont les visages des citoyens et citoyennes qui prennent des risques face à un gouvernement qui nous condamne à mort par son inaction ? https://t.co/FYHyWrZ6qy

— Dernière Rénovation (@derniere_renov) July 22, 2022

 

URGENT : Le Tour de France a de nouveau été interrompu à la 19e étape entre Castelnau-Magnoac et Cahors par des citoyennes et citoyens soutenant Dernière Rénovation. [1]#a22network#TDF2022#979days#derniererenovationpic.twitter.com/6RnPVlUyFD

— Dernière Rénovation (@derniere_renov) July 22, 2022

 

Hier, des citoyens ont à nouveau tenté de se faire entendre sur le #TDF2022.

Face à la résistance civile de sa population, le gouvernement a deux possibilités : réprimer et condamner sa population pour avoir voulu défendre le droit à vivre ou bien tenir ses engagements. [1] pic.twitter.com/LWcFTJDV0C

— Dernière Rénovation (@derniere_renov) July 18, 2022