La crisi climatica apèla a una legislacion de l’Union Europèa sus las temperaturas maximalas de trabalh, çò demanda la Confederacion Europèa dels Sindicats (CES). Dins son comunicat, la CES soslinha la mòrt de dos obrièrs victimas d’un còp de calor la setmana passada a Madrid e assegura que las tragèdias d’aquela sòrta seràn totjorn que mai frequentas sens una lei sus las temperaturas de depassar pas suls luòcs de trabalh. Solament qualques estats de l’UE dispausan d’una legislacion destinada a protegir los trabalhadors pendent las èrsas de calor, e amb de limits plan diferents que van de 28°C a 36°C.
 
L’OMS recomanda que lo mond trabalhen entre 16°C e 24°C. Los accidents de trabalh aumentan del 5% al 7% quand la temperatura supèra los 30°C, e, quand despassa los 38°C, la probabilitat d’accidents aumenta del 10% al 15%.
 
Un sondatge d’Eurofound revèla que, dins l’UE, lo 23% dels trabalhadors son expausats a de temperaturas elevadas. Aquela chifra monta al 36% dins lo sector de l’agricultura e fins al 36% dins lo sector de la construccion.
 
Un trabalhador expausat a la calorassa pòt començar d’aver de mals de cap e de rampas muscularas. Se cap d’accion s’entrepren pas, pòdon arribar de vòmits, de pèrdas de coneissença e mai la mòrt.
 
Lo calimàs qu’a tustat l’Euròpa occidentala per mièg julhet a causat en 9 jorns la mòrt de 1046 personas dins l’estat espanhòl, çò rapòrtan las autoritats sanitàrias.
 
 
 
 

16°C - 24°C: Normal working temperature

30°C: risk of workplace accidents increases by 5-7%

‼️38°C+: risk of workplace accidents increases by 10-15%

No one should have to work in unsafe conditions - stop the job when it’s too hot

— EUROPEAN TRADE UNIONS (@etuc_ces) July 19, 2022

 

Climate crisis requires EU law on maximum working temperatures https://t.co/pgN2UkTwCm

— EUROPEAN TRADE UNIONS (@etuc_ces) July 25, 2022