Actualitats
La familha del jornalista Pablo González a denonciat a l’ÒNU son encarceracion arbitrària
Dempuèi cinc meses, acusat d’èsser un espion rus, lo jornalista basco es embarrat dins una preson polonesa de seguretat maximala
Tèxte legit
La familha del jornalista Pablo González a denonciat a l’ÒNU son encarceracion arbitrària, çò rapòrta Vilaweb. Pablo González es embarrat dins una preson polonesa, practicament sens possibilitat de comunicar, dempuèi 5 meses. Ni la familha ni los avocats pòdon pas èsser en contacte amb el, ni mai sabon quinas son las acusacions, quora serà jutjat ni perqué es totjorn en preson provisòria. La sola causa que sàpian es que l’acusan genericament d’èsser un espion rus.
La denóncia argumenta que l’afar de la detencion de González complís quatre ipotèsis sus las cinc que l’ÒNU descriu coma privacion arbitrària de libertat, dont la manca de casièr judiciari e l’impossibilitat de justificar la detencion amb una basa legala. A mai, lo detengut a pas pogut parlar amb son avocat. La denóncia tanben critica la discriminacion pr’amor de l’origina russa de González.
La familha conta a Vilaweb que dimars passat recebèron una letra que González aviá mandada de la preson estant a la fin de mai. Aquela letra explica que passa 23 oras per jorn embarrat dins una cellula de seguretat maximala. Per ara, la sola vesita qu’a pogut recebre es la d’un representant de l’ambaissada espanhòla en Polonha.
Una autra causa estranha es que González pòt pas parlar amb l’avocat qu’el a causit, mas solament amb un avocat polonés, lo tresen qu’an designat las autoritats polonesas dempuèi l’encarceracion. Aquel avocat a dich a la familha que lor pòt pas res dire “jos pena de preson”.
L’acusan d’èsser un espion del Kremlin, çò qu’el refusa de tot en tot. L’intelligéncia espanhòla aviá enquistat sul jornalista, acusat d’aver trabalhat al jornal basco Gara
Lo 28 de febrièr passat, los servicis secrets poloneses arrestèron a Przemyśl lo jornalista basco Pablo González, qu’es totjorn encarcerat jos l’acusacion d’èsser un espion rus. Èra lo segond còp que d’agents secrets lo prenián per un espion. Lo 6 de febrièr, foguèron los servicis secrets ucraïneses que l’interpelèron mas eles lo daissèron partir. Ara, es pas solament encarcerat en Polonha mas es privat de comunicacions e a pas pogut parlar amb sa familha ni mai amb son avocat, Gonzalo Boye, qu’es lo meteis que defend Carles Puigdemont. De fach, la familha del jornalista deguèt esperar fins a la setmana passada per recebre una comunicacion formala de las autoritats polonesas, que los informava que Pablo González seriá en preson provisòria almens fins al 29 de mai.
Aquela notificacion especifica lo nom en castelhan del jornalista amb una error tipografica (Gonzales per González) e dos escaisses: Aleksey Rubstov e Pavel Rubstov. Totun, son pas d’escaisses ni mai d’identitats falsas. Coma o aviá precisat Público, un dels jornals pels quals Pablo González trabalhava, Pavel Aleksevich [nom patronimic segon lo rèirenom de son paire] Rubstov es lo nom amb lo qual foguèt enregistrat quand nasquèt a Moscòu en 1982. I demorèt fins a sos nòu ans, quand sos parents divorcièron e que partiguèt amb sa maire en Bascoat d’ont aquela es originària. Al moment d’obténer lo ciutadanatge espanhòl, la maire traduguèt en espanhòl lo rèirenom (Pavel per Pablo) e l’inscriguèt amb son nom de familha González e lo nom del grandpaire mairal Yagüe.
Pablo González estudièt la filologia eslava e parla rus e polonés. Tot aquò lo menèt a venir jornalista freelance especializat en l’espaci pòstsovietic e a raportar sus plaça los eveniments mai importants de las darrièras annadas coma las protèstas d’Ucraïna de 2014 —que s’acabèron amb un cambiament de govèrn— e l’annexion russa de Crimèa.
Lo 5 de febrièr, González se trobava a Avdiivka, en Donetzk. Aviá pachat de far una connexion en dirècte per una television espanhòla, La Sexta, per fin d’assabentar de la vida de la populacion civila a un moment que ja se crenhiá una possibla invasion russa d’Ucraïna. Coma o expliquèt Juan Teixeira, un fotojornalista qu’èra amb el, volguèron far la connexion en dirècte, mas èran susvelhats per de militars. Mas après esperar 45 minutas sens reüssir a se connectar, los militars ucraïneses cancelèron la connexion e lor faguèron escafar lo material enregistrat pendent aquel moment. Puèi prenguèron una fòto del passapòrt de González. Aquela meteissa nuèch, recebèt una telefonada dels servicis secrets ucraïneses que li demandèron de se presentar a Kyiiv al pus lèu possible. E i anèt sul pic.
Abans d’intrar en çò dels servicis secrets, González diguèt a sos collègas que, en cas que foguèsse retengut mai de doas oras, publiquèsson un messatge suls rets socials per o anonciar. Eles o faguèron. 40 minutas apuèi, poguèt sortir e publiquèt sus Twitter qu’avián copiat l’informacion que i aviá dins son telefòn mobil. Pus tard, expliquèt que l’avián acusat d’èsser un espion rus amb d’arguments rocambolesques coma lo fach d’aver collaborat amb lo jornal basco Gara o d’aver una carta bancària de Laboral Kutxa, una banca cooperativa basca que, segon los servicis ucraïneses, seriá finançada per Russia. Mentretant, d’agents de l’intelligéncia espanhòla (CNI) èran al domicili del jornalista en Bascoat, e tanben en Catalonha, per interrogar sa familha e sos amics pròches. Per tant, González decidiguèt de tornar en Bascoat.
Preson e isolament en Polonha
Talnlèu rintrat, González mandèt un messatge àudio a un amic ont explicava lo rescontre amb los servicis secrets ucraïneses e las perquisicions del CNI. “Me demandèron se tocavi d’argent, e ne tòqui lo just. Pòdon agachar mos comptes bancaris. Ai qualque ajuda de mon paire, qu’a un parelh d’apartaments a Moscòu, que los lòga e me’n dona una part. Mas aquò es pas res, una quantitat d’argent infima”, çò disiá. A mai, insistissiá per dire que tot çò que fasiá èra de jornalisme, pas d’espionatge. “Sabi pas çò qu’inventan”, çò disiá.
En Bascoat demorèt pas longtemps, perque tanlèu començada l’invasion russa d’Ucraïna, lo 24 de febrièr, el se gandiguèt en Polonha, a la la frontièra ucraïnesa, per cobrir l’arribada dels refugiats. La darrièra aparicion publica de González abans sa detencion foguèt una connexion en dirècte dins l’emission de television La Sexta Noche de la gara Przemyśl estant.
Aquò foguèt lo 26 de febrièr, qualques minutas abans miejanuèch. González foguèt arrestat dins la nuèch del 27 al 28 pels servicis secrets poloneses, que li permetèron solament una telefonada, que la faguèt a sa femna. L’endeman, son avocat, Gonzalo Boye, assabentèt de la detencion amb un messatge sus Twitter que Reportèrs Sens Frontièras partegèt sul pic per exigir sa liberacion immediata. A causa de la manca d’informacions, una pòrtavotz del partit basquista EH Bildu al parlament espanhòl demandèt al primièr ministre, Pedro Sánchez, que son govèrn intercediguèsse per fin que foguèsse desliurat. “Coma me n’a assabentat lo ministre dels afars estrangièrs, lo jornalista espanhòl aurà una assisténcia consulara. Sèm ja en contacte amb el a travèrs de nòstres servicis consulars”, çò diguèt Sánchez.
L’endeman, lo govèrn polonés publiquèt un comunicat que confirmava sa detencion e que raportava que Pablo González èra acusat d’un delicte d’espionatge pel qual riscava de penas de fins a dètz ans de preson. Pasmens, foguèt sonque a l’8n jorn après son arrestacion que lo cònsol espanhòl lo rescontrèt. Lo diplomata diguèt que se trobava en bon estat fisic e qu’aviá lo moral. Mas, aquel meteis vèspre, lo govèrn espanhòl mandèt d’informacions als mèdias espanhòls per dire qu’èra pas marrida la teoria que Pablo González foguèsse un espion rus, pr’amor qu’aviá una dobla vida, la de Pablo González e la de Pavel Rubstov, en seguissent lo rasonament de las autoritats polonesas.
De Polonha estant, lo ministre dels afars estrangièrs espanhòl, José Manuel Albares, declarèt que González comptava sus l’assisténcia consulara e que li avián assignat un avocat comés d’ofici. Per contra, las autoritats polonesas permetèron pas que son avocat, Gonzalo Boye, lo vesitèsse en preson, e exigiguèron que tornèsse mandar tota la documentacion sus González, la meteissa que l’aviá ja mandada una setmana abans, mas ara amb una traduccion jurada.
Lo 23 de març, la familha recebèt la primièra comunicacion formala de la detencion, que los informava que Pablo González seriá en preson provisòria almens fins al 29 de mai. Aquel meteis jorn, son avocat comés d’ofici renoncièt a sa carga. Las autoritats li n’an assignat un autre fins que Boye designe un avocat polonés de fisança.
La denóncia argumenta que l’afar de la detencion de González complís quatre ipotèsis sus las cinc que l’ÒNU descriu coma privacion arbitrària de libertat, dont la manca de casièr judiciari e l’impossibilitat de justificar la detencion amb una basa legala. A mai, lo detengut a pas pogut parlar amb son avocat. La denóncia tanben critica la discriminacion pr’amor de l’origina russa de González.
La familha conta a Vilaweb que dimars passat recebèron una letra que González aviá mandada de la preson estant a la fin de mai. Aquela letra explica que passa 23 oras per jorn embarrat dins una cellula de seguretat maximala. Per ara, la sola vesita qu’a pogut recebre es la d’un representant de l’ambaissada espanhòla en Polonha.
Una autra causa estranha es que González pòt pas parlar amb l’avocat qu’el a causit, mas solament amb un avocat polonés, lo tresen qu’an designat las autoritats polonesas dempuèi l’encarceracion. Aquel avocat a dich a la familha que lor pòt pas res dire “jos pena de preson”.
L’acusan d’èsser un espion del Kremlin, çò qu’el refusa de tot en tot. L’intelligéncia espanhòla aviá enquistat sul jornalista, acusat d’aver trabalhat al jornal basco Gara
Lo 28 de febrièr passat, los servicis secrets poloneses arrestèron a Przemyśl lo jornalista basco Pablo González, qu’es totjorn encarcerat jos l’acusacion d’èsser un espion rus. Èra lo segond còp que d’agents secrets lo prenián per un espion. Lo 6 de febrièr, foguèron los servicis secrets ucraïneses que l’interpelèron mas eles lo daissèron partir. Ara, es pas solament encarcerat en Polonha mas es privat de comunicacions e a pas pogut parlar amb sa familha ni mai amb son avocat, Gonzalo Boye, qu’es lo meteis que defend Carles Puigdemont. De fach, la familha del jornalista deguèt esperar fins a la setmana passada per recebre una comunicacion formala de las autoritats polonesas, que los informava que Pablo González seriá en preson provisòria almens fins al 29 de mai.
Aquela notificacion especifica lo nom en castelhan del jornalista amb una error tipografica (Gonzales per González) e dos escaisses: Aleksey Rubstov e Pavel Rubstov. Totun, son pas d’escaisses ni mai d’identitats falsas. Coma o aviá precisat Público, un dels jornals pels quals Pablo González trabalhava, Pavel Aleksevich [nom patronimic segon lo rèirenom de son paire] Rubstov es lo nom amb lo qual foguèt enregistrat quand nasquèt a Moscòu en 1982. I demorèt fins a sos nòu ans, quand sos parents divorcièron e que partiguèt amb sa maire en Bascoat d’ont aquela es originària. Al moment d’obténer lo ciutadanatge espanhòl, la maire traduguèt en espanhòl lo rèirenom (Pavel per Pablo) e l’inscriguèt amb son nom de familha González e lo nom del grandpaire mairal Yagüe.
Pablo González estudièt la filologia eslava e parla rus e polonés. Tot aquò lo menèt a venir jornalista freelance especializat en l’espaci pòstsovietic e a raportar sus plaça los eveniments mai importants de las darrièras annadas coma las protèstas d’Ucraïna de 2014 —que s’acabèron amb un cambiament de govèrn— e l’annexion russa de Crimèa.
Lo 5 de febrièr, González se trobava a Avdiivka, en Donetzk. Aviá pachat de far una connexion en dirècte per una television espanhòla, La Sexta, per fin d’assabentar de la vida de la populacion civila a un moment que ja se crenhiá una possibla invasion russa d’Ucraïna. Coma o expliquèt Juan Teixeira, un fotojornalista qu’èra amb el, volguèron far la connexion en dirècte, mas èran susvelhats per de militars. Mas après esperar 45 minutas sens reüssir a se connectar, los militars ucraïneses cancelèron la connexion e lor faguèron escafar lo material enregistrat pendent aquel moment. Puèi prenguèron una fòto del passapòrt de González. Aquela meteissa nuèch, recebèt una telefonada dels servicis secrets ucraïneses que li demandèron de se presentar a Kyiiv al pus lèu possible. E i anèt sul pic.
Abans d’intrar en çò dels servicis secrets, González diguèt a sos collègas que, en cas que foguèsse retengut mai de doas oras, publiquèsson un messatge suls rets socials per o anonciar. Eles o faguèron. 40 minutas apuèi, poguèt sortir e publiquèt sus Twitter qu’avián copiat l’informacion que i aviá dins son telefòn mobil. Pus tard, expliquèt que l’avián acusat d’èsser un espion rus amb d’arguments rocambolesques coma lo fach d’aver collaborat amb lo jornal basco Gara o d’aver una carta bancària de Laboral Kutxa, una banca cooperativa basca que, segon los servicis ucraïneses, seriá finançada per Russia. Mentretant, d’agents de l’intelligéncia espanhòla (CNI) èran al domicili del jornalista en Bascoat, e tanben en Catalonha, per interrogar sa familha e sos amics pròches. Per tant, González decidiguèt de tornar en Bascoat.
Preson e isolament en Polonha
Talnlèu rintrat, González mandèt un messatge àudio a un amic ont explicava lo rescontre amb los servicis secrets ucraïneses e las perquisicions del CNI. “Me demandèron se tocavi d’argent, e ne tòqui lo just. Pòdon agachar mos comptes bancaris. Ai qualque ajuda de mon paire, qu’a un parelh d’apartaments a Moscòu, que los lòga e me’n dona una part. Mas aquò es pas res, una quantitat d’argent infima”, çò disiá. A mai, insistissiá per dire que tot çò que fasiá èra de jornalisme, pas d’espionatge. “Sabi pas çò qu’inventan”, çò disiá.
En Bascoat demorèt pas longtemps, perque tanlèu començada l’invasion russa d’Ucraïna, lo 24 de febrièr, el se gandiguèt en Polonha, a la la frontièra ucraïnesa, per cobrir l’arribada dels refugiats. La darrièra aparicion publica de González abans sa detencion foguèt una connexion en dirècte dins l’emission de television La Sexta Noche de la gara Przemyśl estant.
Aquò foguèt lo 26 de febrièr, qualques minutas abans miejanuèch. González foguèt arrestat dins la nuèch del 27 al 28 pels servicis secrets poloneses, que li permetèron solament una telefonada, que la faguèt a sa femna. L’endeman, son avocat, Gonzalo Boye, assabentèt de la detencion amb un messatge sus Twitter que Reportèrs Sens Frontièras partegèt sul pic per exigir sa liberacion immediata. A causa de la manca d’informacions, una pòrtavotz del partit basquista EH Bildu al parlament espanhòl demandèt al primièr ministre, Pedro Sánchez, que son govèrn intercediguèsse per fin que foguèsse desliurat. “Coma me n’a assabentat lo ministre dels afars estrangièrs, lo jornalista espanhòl aurà una assisténcia consulara. Sèm ja en contacte amb el a travèrs de nòstres servicis consulars”, çò diguèt Sánchez.
L’endeman, lo govèrn polonés publiquèt un comunicat que confirmava sa detencion e que raportava que Pablo González èra acusat d’un delicte d’espionatge pel qual riscava de penas de fins a dètz ans de preson. Pasmens, foguèt sonque a l’8n jorn après son arrestacion que lo cònsol espanhòl lo rescontrèt. Lo diplomata diguèt que se trobava en bon estat fisic e qu’aviá lo moral. Mas, aquel meteis vèspre, lo govèrn espanhòl mandèt d’informacions als mèdias espanhòls per dire qu’èra pas marrida la teoria que Pablo González foguèsse un espion rus, pr’amor qu’aviá una dobla vida, la de Pablo González e la de Pavel Rubstov, en seguissent lo rasonament de las autoritats polonesas.
De Polonha estant, lo ministre dels afars estrangièrs espanhòl, José Manuel Albares, declarèt que González comptava sus l’assisténcia consulara e que li avián assignat un avocat comés d’ofici. Per contra, las autoritats polonesas permetèron pas que son avocat, Gonzalo Boye, lo vesitèsse en preson, e exigiguèron que tornèsse mandar tota la documentacion sus González, la meteissa que l’aviá ja mandada una setmana abans, mas ara amb una traduccion jurada.
Lo 23 de març, la familha recebèt la primièra comunicacion formala de la detencion, que los informava que Pablo González seriá en preson provisòria almens fins al 29 de mai. Aquel meteis jorn, son avocat comés d’ofici renoncièt a sa carga. Las autoritats li n’an assignat un autre fins que Boye designe un avocat polonés de fisança.
La família de Pablo González denuncia a l’ONU l’empresonament arbitrari a Polònia https://t.co/Y6FWQVKvAk
— Gonzalo Boye (@boye_g) July 28, 2022
Llevamos 150 días denunciando el caso de Pablo González @PabVis
— Sare Antifaxista (@Antifaxismoa) July 27, 2022
La exigencia de su puesta en libertad no tiene que mermar con el paso del tiempo #PabloAskatu RT TT Comparte, difunde pic.twitter.com/RbNB1AJkSd
Pablo González: 150 días, muchas preguntas, pero ninguna respuesta https://t.co/vSmzmD8OL3 a través de @_Contrainfo
— Mabel martinez (@temisa58) July 27, 2022
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qu'ei era Union Europèa de uei e de doman, imperialista, instrument dera OTAN e der imperialisme american,, alliada aths faishistas polonés e neonazis de Zelenski. Era U.E. que's des.hè com er atalntisme. A maugrat d'arrepressions, d'arrepresailhas , d'ingeréncias e de guèrras, aqueth mond hastiau que cambia e non tornarà pas mes. Visca era luta deth pople rus de Donbàs qui ns'amuisha eth camin a nosauts, poples e nacions shens Estat, revolucion , autodeterminacion e sobiranetat..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari