Actualitats
Aran ven aué un país en movement per usatge sociau dera lengua
Era revendicacion der occitan coma lengua veïculara ena educacion aranesa mèrque era 28u edicion dera corsa d’Aran per sa Lengua
Tèxte legit
Milèrs d’aranesi que reclamen aué, en ua jornada revendicativa, esportiva e hestiva, er usatge sociau dera lengua occitana en país de cap de Garona. Se tracte dera 28u edicion dera corsa Aran per sa Lengua, ua manifestacion per usatge sociau dera lengua deth país ena quau fòrça aranesi trauèrsen era Val, a pè o en tot córrer. Es correires que gessen de Les, de Montgarri o deth Pòrt de Vielha e que s’amassen ath ser en Vielha, enguan ena plaça d’Aran deuant deth Conselh Generau e deth monument ara lengua. Aquiu que se i amassen normaument un milèr de persones, e dempús des actes e des discorsi, un brave e animat concèrt de Nadau que clave ua jornada que cada an ven istorica.
Era revendicacion der occitan coma lengua veïculara ena educacion aranesa mèrque enguan era corsa Aran per sa Lengua, que torne ara normalitat en tot celebrar-se eth darrèr dimenge de junhsèga. Er eveniment qu’ei organizat peth collectiu Lengua Viua jos eth lèma “Qui ten era lengua ten era clau”, adaptat d’un extrèt d’un poèma de Frederic Mistral.
Era corsa acuelh cada an mès compatriòtes de Garona enjós, que vien tanplan a botjar-se per aranés, qu’ei, fin finau, eth nòste occitan.
FM
Era revendicacion der occitan coma lengua veïculara ena educacion aranesa mèrque enguan era corsa Aran per sa Lengua, que torne ara normalitat en tot celebrar-se eth darrèr dimenge de junhsèga. Er eveniment qu’ei organizat peth collectiu Lengua Viua jos eth lèma “Qui ten era lengua ten era clau”, adaptat d’un extrèt d’un poèma de Frederic Mistral.
Era corsa acuelh cada an mès compatriòtes de Garona enjós, que vien tanplan a botjar-se per aranés, qu’ei, fin finau, eth nòste occitan.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tè, en parlant d'occitan de la Val d'Aran: https://www.pensem.cat/noticia/244/Aitor-Carrera/aranes-agonia-irreversible?rlc=sf. Coneguèri las primièras corsas dins las annadas 1990 e es vertat qu'èran jornadas fòrtas de reinvindicacion per la nòstra lenga e lo concèrt de clausura n'èra un moment de coesion a l'entorn del grop convidat (que, fin finala, se redusiguèt a Nadau). Tanplan i vegèri los debuts d'un grop de gojatas e gojatas d'Aran, Es Shebitejaires qu'an fait camin, demsempuèi
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari