Polemica als Estats Units per la venda a l’enquant d’una mòstra d’aur que foguèt d’Adolf Hitler. La mòstra, venduda per 1,1 milion de dolars, ten sus ela gravadas l’agla e la crotz gammada, las inicialas AH e doas datas importantas de la vida d’Hitler, sa naissença e sa nominacion coma cancelièr.
 
Una trentena de rabins an condemnat l’ostal de vendas a l’enquant Alexander Historical Auctions de Maryland, que faguèt l’operacion. Dison que la venda foguèt “abominabla” e que las transaccions d’aquela sòrta “ajudan, d’un biais inconscient o pas, los qu’idealizan çò que signifiquèt lo partit nazi”.
 
La mòstra, que foguèt un present que lo recebèt Hitler, la recuperèron un grop de militars franceses après perquisicionar lo refugi de montanha que lo dictator alemand aviá a Berghof. Sembla que lo vendèron e que finiguèt entre las mans d’una familha pendent qualques generacions.
 
La mòstra foguèt pas lo sol objècte polemic d’aquela venda a l’enquant, ont tanben se prepausèt divèrses articles de luxe de qualques oficials nazis e una rauba d’Eva Braun. I aviá tanben d’imatges autografiats d’oficièrs nazis e una estela de Dàvid amb lo mot alemand “Jude” (josieu) que fasián portar coma identificador als josieus.

 

Dozens of European-Jewish leaders have urged a US-based auction house to cancel the sale of a range of #Nazi items, including a candy bowl and a gold watch that belonged to Adolf Hitler. pic.twitter.com/TBzKIGDbYP

— StandWithUs (@StandWithUs) July 31, 2022

 

Utterly disgusting. A Maryland auction house auctioned off Adolf Hitler's watch - thereby profiting off one of the darkest periods in modern Jewish history

Let's be clear: selling Nazi paraphernalia glorifies genocidal murderer. https://t.co/lhztBrdIkh

— Aviva Klompas (@AvivaKlompas) July 30, 2022