Tèxte legit
Lo cavalièr Josèp Escupissifuòc (èra del Soler o de Baó, los istorians polemican sus la question) declarèt fa uèit sègles a la fin d’un torneg perdut en finala: “Jòia es sovent de corta durada”; sabiá pas qu’en 2022 a Brutus, los Dragons poirián emplegar la meteissa frasa!
Coma la malasòrt perseguís la formacion catalana, lo menaire de jòc Pearce se nafrèt a la cavilha a l’entraïnament del divendres.
Tot comencèt plan fàcia a Leeds dissabte en fin de vèspre: los catalans menèron 16-6 a la pausa; aumentèron l’avantatge fins a 30-6; un carton roge e Leeds se trapava a 12 per la fin de la partida. Tot anava pel melhor dins lo melhor del Mond, mas ”Jòia es sovent de corta durada” ! E aquí, los Rinocèros se metèron a faire circular la palma e a faire virar canturla als catalans. Atal, la marca èra de 32-32 a l’80a minuta ! Ne caliá passar per las prolongacions e lo mesclanha anglés anèt puntar l’ensag de la victòria de Leeds: 36-32!
Los Dragons se trapan en quatrena posicion amb dos desplaçaments a venir.
Aqueste dimenge, una victòria a Wakefield fariá de ben al moral e balhariá un còp de man al Tolosa Olimpic.
L’esquipa occitana divendres de ser poguèt pas res faire fàcia a Hull FC (desfaita 30-6) e se trapa tornarmai en darrièra posicion aprèp la victòria de Wakefield a Castleford 32-6. Los occitans veiràn lors 2 partidas venentas que passaràn en dirècte sus BeInSport: aqueste dijòus 4 a Hull FC e dijòus 11 a Warrington.
En batent Warrington 32-22, Huddersfield a tornat prene la tresena plaça al classament als Dragons. Lo cap de fila Saint Helens coneis la desfaita a Salford: 42-22.
NRL: las Anguialas fan trabucar las Pantèras
En Austràlia, segonda desfaita de la sason per Penrith e tornar contra Parramatta. Sus un placatge catedrala, lo menaire de Penrith, Nathan Cleary, preniá un carton roge e daissava sos esquipièrs jogar a 12 per mai d’una ora. Las Anguialas menèron 30-4 a la pausa per s’impausar 34-10. Los Vaquièrs confirman lor segonda plaça en anent batre Sant Jòrdi: 34-8.
Penrith, Vaquièrs, Làmias, Melbourne, Brisbane e Parramatta son en camin per la qualificacion que deuriá pas tanpauc escapar als Lapinons; l’ueitena e darrièra plaça demòra en jòc entre Polets e Canberra (22 punts), perseguits per Manly e Sant Jòrdi (20 punts).
Òsca pels U17
Aprèp la primièra victòria fàcia als angleses a Selon de Provença, los U17 franceses disputavan un segond tèst diluns passat a Marselha. La conclusion ne foguèt similara: larga victòria dels Blaus: 48-14.
Alan Roch
Coma la malasòrt perseguís la formacion catalana, lo menaire de jòc Pearce se nafrèt a la cavilha a l’entraïnament del divendres.
Tot comencèt plan fàcia a Leeds dissabte en fin de vèspre: los catalans menèron 16-6 a la pausa; aumentèron l’avantatge fins a 30-6; un carton roge e Leeds se trapava a 12 per la fin de la partida. Tot anava pel melhor dins lo melhor del Mond, mas ”Jòia es sovent de corta durada” ! E aquí, los Rinocèros se metèron a faire circular la palma e a faire virar canturla als catalans. Atal, la marca èra de 32-32 a l’80a minuta ! Ne caliá passar per las prolongacions e lo mesclanha anglés anèt puntar l’ensag de la victòria de Leeds: 36-32!
Los Dragons se trapan en quatrena posicion amb dos desplaçaments a venir.
Aqueste dimenge, una victòria a Wakefield fariá de ben al moral e balhariá un còp de man al Tolosa Olimpic.
L’esquipa occitana divendres de ser poguèt pas res faire fàcia a Hull FC (desfaita 30-6) e se trapa tornarmai en darrièra posicion aprèp la victòria de Wakefield a Castleford 32-6. Los occitans veiràn lors 2 partidas venentas que passaràn en dirècte sus BeInSport: aqueste dijòus 4 a Hull FC e dijòus 11 a Warrington.
En batent Warrington 32-22, Huddersfield a tornat prene la tresena plaça al classament als Dragons. Lo cap de fila Saint Helens coneis la desfaita a Salford: 42-22.
NRL: las Anguialas fan trabucar las Pantèras
En Austràlia, segonda desfaita de la sason per Penrith e tornar contra Parramatta. Sus un placatge catedrala, lo menaire de Penrith, Nathan Cleary, preniá un carton roge e daissava sos esquipièrs jogar a 12 per mai d’una ora. Las Anguialas menèron 30-4 a la pausa per s’impausar 34-10. Los Vaquièrs confirman lor segonda plaça en anent batre Sant Jòrdi: 34-8.
Penrith, Vaquièrs, Làmias, Melbourne, Brisbane e Parramatta son en camin per la qualificacion que deuriá pas tanpauc escapar als Lapinons; l’ueitena e darrièra plaça demòra en jòc entre Polets e Canberra (22 punts), perseguits per Manly e Sant Jòrdi (20 punts).
Òsca pels U17
Aprèp la primièra victòria fàcia als angleses a Selon de Provença, los U17 franceses disputavan un segond tèst diluns passat a Marselha. La conclusion ne foguèt similara: larga victòria dels Blaus: 48-14.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari