Actualitats
Agression ultraviolenta dins lo mètro de Tolosa
Un òme de 77 ans foguèt tabasat per dos òmes, aparentament embriacs, que sortissián d’una discotèca
Tèxte legit
Un obrièr retirat de 77 ans foguèt tabasat dimenge de matin sus la linha A del mètro de Tolosa, çò rapòrta La Dépêche. Quatre òmes e una femna intrèron dins lo vagon a l’estacion de Sant Çubran, e dos d’eles s’acarnèron sus l’òme. Un dels viatjaires del mètro tirèt la campaneta d’alarma del vagon e, a l’estacion d’Esquiròl, d’agents de seguretat Tisséo detenguèron los agressors. Ara son meses en gàrdia a vista. Sortissián d’una discotèca e, segon la polícia portavan près de dos gramas d’alcòl per litre de sang.
La victima, de prenom Mohamed, a lo nas fracturat, de grèvas nafras a la cara e de dolors intenses. Ja malaut a causa d’un accident cardiovascular, patirà desenant las consequéncias fisicas e psicologicas d’aquela agression, segon çò que sa nòra, Anne, n’assabenta La Dépêche.
Anne ditz qu’assistirà al procès dels dos agressors de son sògre que se tendrà dins los jorns avenidors. “Vòli comprene çò que se poguèt passar dins lor cap. Ai tanben una granda fisança en la polícia per amolonar los testimoniatges e analisar la videoproteccion del mètro per mostrar als jutges a quin ponch l’agression de mon sògre foguèt ultraviolenta”, çò declara.
De veire se i auriá un element de racisme dins l’agression.
La victima, de prenom Mohamed, a lo nas fracturat, de grèvas nafras a la cara e de dolors intenses. Ja malaut a causa d’un accident cardiovascular, patirà desenant las consequéncias fisicas e psicologicas d’aquela agression, segon çò que sa nòra, Anne, n’assabenta La Dépêche.
Anne ditz qu’assistirà al procès dels dos agressors de son sògre que se tendrà dins los jorns avenidors. “Vòli comprene çò que se poguèt passar dins lor cap. Ai tanben una granda fisança en la polícia per amolonar los testimoniatges e analisar la videoproteccion del mètro per mostrar als jutges a quin ponch l’agression de mon sògre foguèt ultraviolenta”, çò declara.
De veire se i auriá un element de racisme dins l’agression.
[VIDEO] Toulouse : Mohamed, 77 ans, tabassé sans raison dans le métro, sa famille réclame justice https://t.co/yWCXvg0bvM
— La Dépêche du Midi (@ladepechedumidi) August 1, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo pièger es que per maites pas que lo nom de la victima es jà una explicacion tras qu'evidenta.
#1 Per se far una idèa mai clara d'una eventuala augmentacion d'aquela mena d'agressions "sense rasons", nos caldriá dispausar de donadas sociologicas plan rigorosas e objectivas… E proporcionar plan los resutlats a l'augmentacion de la populacion, en tot téner compte, tant coma possible, de l'efècte non pas quantitatiu sonque, mas tanben qualitatiu de la promiscuitat urbana, del sentiment de solitud e del nivèl subjectiu de frustracion esprobat pels contravenents…
Las agressions violentas son contunhas dins Tolosa :
30 de julhet de 2022, 17/07, 16/07, 04/07, 02/07, 29/06…
Plan sovent son de Magrebins que s’entretuan.
Pasmens totas las victimas son pas musulmanas.
Ai la nostalgia de la Tolosa d’un còp èra quand, de nuèch, parcavi ma veitura dins un parking del Miralh par anar escotar Patric que lai cantava. Parli d´un brieu.
Tolosa es devenguda un tuador, çò qu’èra pas. Mas cresi pas que d’uëi i aja en França cap de vila segura.
Plangi aquel paure bogre, mas Ieu auriá pas relatat aquel trist afar puslèu qu’un autre, per çò que, ratonada, omofobia, cristianofobia, fanatisme o rapiada, la tièra dels crimes es longa. Perqué parlar d’aqueste ?
Avèm aquí un « fach divèrs » qu’apèlan
#1 Soi plan d'acòrdi dambe tu, levat que'm sembla pas estar quicòm d'especialament modèrne.
Cercarà de rasons, la paura Anna, mas de rasons, non i a cap. Benlèu serà evocat lo racisme. Benlèu serà evocat l'alcoòl. Benlèu seràn evocadas la peguesa o la psicopatia. Mas la vertat non aurà res a veira amb la rason. O an fait pel plaser d'o far. Impensable, indicible, innomenable e totun, fait e complit… Sètz del vòstre temps ? Benvenguts dins lo mond modèrne !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari