Lo 23 de setembre venent, Botan tornarà dobrir sas pòrtas als toristas, mas aquò costarà car. Aquel petit reialme de l’Imalaia foguèt barrat al torisme fins en 1974 e puèi impausèt una taxa toristica equivalenta a 250 èuros per nuechada (o 200 èuros en sason bassa). Tornèt barrar en causa de la pandemia de la covid-19 mas, lo mes que ven, tornarà èsser dobèrt en fasent pagar la meteissa soma; desenant, ça que la, la taxa inclurà pas pus de lotjament, de repaisses, d’intradas a de sits e monuments ni lo transpòrt. Tot aquò o caldrà pagar separadament.
 
Segon lo govèrn de Botan, la mesura cèrca de reduire l’impacte environamental, de melhorar l’experiéncia dels vesitaires e de prepausar de bonas condicions de trabalh als abitants que trabalhan dins lo camp professional del torisme.