Actualitats
Los detalhs sus la mòrt d’Ayman Az Zawahiri, cap istoric d’Al Qaida
Es estat la tòca d’un tipe d’arma escaissat “bomba ninja” que son existéncia es secretament protegida
Tèxte legit
Tuat dins la nuèch de dissabte a dimenge 31 de julhet en Afganistan, l’egipcian que dirigissiá fins ara l’organizacion terrorista foguèt la buta d’un tir de dròne fòrça precís, segon d’informacions desveladas recentament. Lo cap d’Al Qaida foguèt la tòca d’aquel tipe d’arma, escaissat “bomba ninja” e dont l’existéncia es secretament protegida.
Après l’operacion militara estatsunidenca qu’a entraïnat la mòrt de Ayman Az Zawahiri, cap istoric de l’organizacion jihadista Al Qaida, los detalhs son desenant mièlhs coneguts. Mentre que restava sul balcon d’un ostal situat dins un ric quartièr de Kabol, Ayman Az Zawahiri foguèt la sola victima d’aquela tustada de dròne, segon las autoritats estasunidencas. Pas un civil, ni los membres de la familha del cap terrorista qu’èran a proximitat foguèron pas tocats.
La “bomba ninja”
L’operacion foguèt renduda possibla mercés a l’utilizacion de missils nomenats Hellfire R9X Flying Ginsu (lo Ginsu volant), segon una celèbra publicitat televisada dels ans 1980 pels cotèls de cosina de marca Ginsu, que podián copar a travèrs de canetas d’alumini en gardant un talh perfièch. Aqueles missils, que lor existéncia demòra fins a uèi secreta, son tanben chafrats “bombas ninja”, non solament a causa de la precision amb la quala aquela arma tòca sa buta sens far de victimas collateralas, mas tanben perque ramenta lo foncionament de las estelas de lançar utilizadas pels famoses ninjas, los shurikens.
Aquela version modificada del missil american Hellfire AGM-114 espandida durant lo govèrn d’Obama seriá desprovesida de carga explosiva mas dotada de sièis lamas que se desplegan abans l’impacte per atalhonar lor buta sens efièch de buf ligat a una explosion.
Una fòto de la veitura d’una tòca supausada en Siria en 2017 mòstra un enòrme cròs sul cobèrt del veïcul, e l’interior tot esquiçat, mas lo davant e l’arrièr del veicul son demorats intactes.
Los Hellfire R9X foguèron ja utilizats mai d’un còp aquelas darrièras annadas per eliminar de caps d’organizacions jihadistas, segon las informacions del Wall Street Journal dins una enquista publicada en 2019, a prepaus d’aquel tipe d’arma. Lo jornal rapòrta que l’Hellfire R9X es estat utilizat mai d’un còp dins diferentas atacas en Libia, Siria, Iraq, Iemèn e Somalia.
Après l’operacion militara estatsunidenca qu’a entraïnat la mòrt de Ayman Az Zawahiri, cap istoric de l’organizacion jihadista Al Qaida, los detalhs son desenant mièlhs coneguts. Mentre que restava sul balcon d’un ostal situat dins un ric quartièr de Kabol, Ayman Az Zawahiri foguèt la sola victima d’aquela tustada de dròne, segon las autoritats estasunidencas. Pas un civil, ni los membres de la familha del cap terrorista qu’èran a proximitat foguèron pas tocats.
La “bomba ninja”
L’operacion foguèt renduda possibla mercés a l’utilizacion de missils nomenats Hellfire R9X Flying Ginsu (lo Ginsu volant), segon una celèbra publicitat televisada dels ans 1980 pels cotèls de cosina de marca Ginsu, que podián copar a travèrs de canetas d’alumini en gardant un talh perfièch. Aqueles missils, que lor existéncia demòra fins a uèi secreta, son tanben chafrats “bombas ninja”, non solament a causa de la precision amb la quala aquela arma tòca sa buta sens far de victimas collateralas, mas tanben perque ramenta lo foncionament de las estelas de lançar utilizadas pels famoses ninjas, los shurikens.
Aquela version modificada del missil american Hellfire AGM-114 espandida durant lo govèrn d’Obama seriá desprovesida de carga explosiva mas dotada de sièis lamas que se desplegan abans l’impacte per atalhonar lor buta sens efièch de buf ligat a una explosion.
Una fòto de la veitura d’una tòca supausada en Siria en 2017 mòstra un enòrme cròs sul cobèrt del veïcul, e l’interior tot esquiçat, mas lo davant e l’arrièr del veicul son demorats intactes.
Los Hellfire R9X foguèron ja utilizats mai d’un còp aquelas darrièras annadas per eliminar de caps d’organizacions jihadistas, segon las informacions del Wall Street Journal dins una enquista publicada en 2019, a prepaus d’aquel tipe d’arma. Lo jornal rapòrta que l’Hellfire R9X es estat utilizat mai d’un còp dins diferentas atacas en Libia, Siria, Iraq, Iemèn e Somalia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari