Se nos demandam quina es la persona mai notabla de Niça, gaireben totes pensarem a Garibaldi. Se nos demandam quina es la persona pus notabla de Lorda saique esitariam entre Bernardeta Sobirós e la Verge. Mas pensariam a Zinedine Zidane dins lo cas de Marselha o a Alain Juppé dins lo cas del Mont de Marsan? E sabiatz que los personatges mai notables d’Occitània son August Comte, Blasi Pascal, Enric III de Navarra , Enric Maria de Tolosa-Lautrec, Gilbèrt dau Motier de la Faieta, Jacme Ives Costèu, Josèp Garibaldi, Montesquieu, Nostradamus, Peire-August Renoir e Zinedine Zidane?
 
Se ven de publicar una mapa interactiva dicha Notable People, desvolopada pel geograf e informatician finlandés Topi Tjukanov. La mapa, a l’escala mondiala, mòstra los personatges mai notables de cada vila o vilatge. S’acercam la mapa fins a la Val d’Aran, i veirem Alidé Sans, Jusèp-Loís Sans Socasau e Francés Boya.
 
La mapa se basa sus una basa de donadas de gents notablas entre l’an 3500 abans lo Crist e l’an 2018, çò precisa la prestigiosa revista Nature. La mapa es configurada per mostrar una persona per municipalitat franc de las grandas vilas. Mas permet de filtrar las recèrcas de personas notablas per categoria coma cultura, descobèrtas, sciéncia, politica, espòrts...

 

Did you know Freddie Mercury was born in Zanzibar and Barack Obama in Honolulu? Who is the most famous person from your home town?

I made a map of the most notable people around the world. Built with @Mapbox.

Check it out here: https://t.co/NR0J7nqTn1

pic.twitter.com/GoI4VnGzvd

— Topi Tjukanov (@tjukanov) July 28, 2022