Lo primièr ministre de Kosova, Albin Kurti, e lo president de Serbia, Aleksandar Vučić, se rescontraràn lo 18 d’agost a Brussèlas per ensajar de baissar la tension entre los dos païses a causa del conflicte frontalièr que raportàvem dimars passat.
 
Lo pòrtavotz dels afars exteriors de l'Union Europèa, Peter Stano, a anonciat que la reünion se fariá amb lo Naut Representant, Josep Borrell, e l’enviat especial per Serbia e Kosova, amb la tòca de far avançar lo dialòg entre Prishtina e Belgrad. Pasmens, an pas precisat los tèmas que se tractaràn.
 
La tension comencèt al començament d’agost quand la polícia kosovara aguèt declarat d’èsser la buta de còps de fuòc a la frontièra nòrd del país, ont de barricadas s’èran erigidas sus de rotas devèrs Serbia per protestar contra la nòva politica frontalièra del govèrn. A causa de las tensions e après consultar los ambaissadors de l’UE e dels Estats Units, Prishtina repòrta d’un mes l’intrada en vigor de las nòvas règlas a la frontièra sèrba.